UGT-Galicia
| UGT-Galicia | |
|---|---|
| Tipo | sindicato |
| Área de operación | Galicia |
| Data de fundación | 1979 |
| Organización matriz | Unión Xeral de Traballadores |
| Sede | Santiago de Compostela |
| País | Galicia |
| Na rede | |
| https://www.ugtgalicia.org/ | |
| [ editar datos en Wikidata ] | |
A Unión Xeral de Traballadores de Galicia (UGT-Galicia) é a federación territorial galega da Unión General de Trabajadores (UGT), un sindicato cuxo ámbito de actuación abrangue todo o Estado español.
Historia
[editar | editar a fonte]- Ver artigo principal: Historia da UGT.
A UGT foi fundada no ano 1888 en Barcelona polo galego Pablo Iglesias Posse como un sindicato de ideoloxía socialista. Só nove anos antes, o seu promotor fundara o PSOE como vertente política desta ideoloxía.
Após a fundación, a UGT comezou a operar en todo o Estado español, convivindo ou rivalizando con outros modelos sindicais. A sublevación militar de 1936 contra o réxime republicano resolveuse en moi pouco tempo en Galicia a favor dos golpistas, polo que moitos representantes da UGT se viron obrigados a fuxir e o patrimonio sindical foi incautado. Con todo, a UGT continuou a traballar en Galicia desde a clandestinidade durante toda a ditadura, e cando regresa a democracia a UGT contaba xa con 34 unións locais que posteriormente conformarían a UGT-Galicia [1].
O congreso de constitución da UGT-Galicia tivo lugar os días 13 e 14 de outubro de 1979, en Santiago de Compostela. O primeiro secretario xeral foi Javier Pedrido Fraiz. A Unión Xeral de Traballadores de Galicia, integrada na Unión General de Trabajadores de España, declárase como unha «organización autónoma e independente de calquera inxerencia externa, unha organización que se move única e exclusivamente pola vontade dos seus afiliados, tendo como norma máxima de funcionamento a democracia absoluta» [1].
Dirixentes
[editar | editar a fonte]O máximo cargo na UGT-Galicia é a Secretaría Xeral. Desde a constitución do sindicato en 1979, os secretarios xerais foron:
- 1979-1980: Javier Pedrido Fraiz
- 1980-2005: Jesús Mosquera Sueiro[2]
- Desde 2005: José Antonio Gómez Gómez [3]
Notas
[editar | editar a fonte]- ↑ 1,0 1,1 Así naceu a UGT-Galicia Arquivado 08 de xullo de 2013 en Wayback Machine.. Consultado o 28 de maio de 2013
- ↑ Jesús Mosquera, nuevo secretario general de la UGT de Galicia. Consultado o 28 de maio de 2013
- ↑ José Antonio Gómez Gómez, Secretario xeral de la UGT de Galicia: "Falta democracia laboral: aún hay miedo a militar en un sindicato". Consultado o 28 de maio de 2013