Tándem

Tándem nun cadro de Casas, 1897.

Tándem en Turquía.

Un tándem (do inglés tandem, e á súa vez do latín tandem, ao longo de) é un vehículo sen motor de dúas rodas aliñadas sobre un cadro resistente.

Características

O tándem é unha variante da bicicleta. Ten capacidade para transportar dúas ou máis persoas. Móvese grazas á forza transmitida polos ciclistas á roda traseira mediante unha cadea accionada por tantos pares de pedais como ciclistas.

Hai tamén modelos triciclos, con dúas rodas traseiras. Nos últimos anos están proliferando especialmente os tándems de montaña, pois a súa lonxitude proporciónalles unha estabilidade maior. Tamén a relación entre masa morta e forza é máis vantaxosa que nunha bicicleta sinxela, polo que a subida de costas resulta máis lixeira. Asemade a forza de freado exercida polo ar nas baixadas é menor, pois só o ciclista dianteiro ofrece resistencia.

Véxase tamén

Bibliografía

• ARMIJO, V. (1999). The complete idiot's guide to cycling. Alpha Books. ISBN 0028629299. 

Outros artigos

• Bicicleta