Tube Alloys

Lord Cherwell, conselleiro científico do primeiro ministro, o mariscal en xefe do aire Charles Portal, o almirante da frota Dudley Pound e Winston Churchill en xuño de 1941

Tube Alloys foi o nome en código dun programa clandestino de investigación e desenvolvemento, autorizado polo Reino Unido e coa participación do Canadá, para desenvolver armas nucleares durante a segunda guerra mundial. Comezando antes que o Proxecto Manhattan dos Estados Unidos, os esforzos británicos mantivéronse como información clasificada e polo tanto incluso nos círculos máis altos do goberno referíanse a el en conversas codificadas.

A posibilidade de crear armas nucleares xa estivera presente dende o comezo da guerra. Na Universidade de Birmingham, Rudolf Peierls e Otto Frisch coescribiron un memorando no que explicaban que unha pequena masa de uranio-235 puro podería utilizarse para producir unha reacción en cadea nunha bomba co poder de miles de toneladas de TNT. Isto deu lugar á formación do comité MAUD, que propuxo un esforzo por tódolos medios posibles para o desenvolvemento de armas nucleares. Wallace Akers, supervisor do proxecto, escolleu conscientemente o enganoso nome "Tube Alloys". A dirección do proxecto formaba parte do Departamento de Investicgación Científica e Industrial do Reino Unido.

O programa Tube Alloys foi o primeiro proxecto de armas nucleares da historia. Por mor do seu alto custo, e polo feito de que o Reino Unido estaba a loitar nunha guerra a distancia de bombardeo dos seus inimigos, o proxecto subsumiuse finalmente dentro do Proxecto Manhattan. Malia chegar a un acordo cos Estados Unidos para compartir a tecnoloxía de armas nculeares, e para absterse de usalas o un contra o outro ou contra outros países sen consentimento mutuo, os Estados Unidos non forneceu detalles completos dos resultados do Proxecto Manhattan ó Reino Unido. A Unión Soviética conseguiu información valiosa grazas ós seus espías atómicos infiltrados tanto no proxecto estadounidense coma no británico.

Véxase tamén

Bibliografía

• Bernstein, Barton J. (1976). "The Uneasy Alliance: Roosevelt, Churchill, and the Atomic Bomb, 1940–1945". The Western Political Quarterly 29 (2): 202–230. JSTOR 448105. doi:10.2307/448105. 
• Cathcart, Brian (1995). Test of Greatness: Britain's Struggle for the Atom Bomb. Londres: John Murray. ISBN 0-7195-5225-7. OCLC 31241690. 
• Clark, Ronald W. (1961). The Birth of the Bomb: Britain’s part in the weapon that changed the World. Londres: Phoenix House. OCLC 824335. 
• Farmelo, Graham (2013). Churchill's Bomb: How the United States Overtook Britain in the First Nuclear Arms Race. New York: Basic Books. ISBN 978-0-465-02195-6. 
• Gott, Richard (1963). "The Evolution of the Independent British Deterrent". International Affairs 39 (2): 238–252. ISSN 1468-2346. JSTOR 2611300. 
• Gowing, Margaret (1964). Britain and Atomic Energy 1939–1945. Londres: Macmillan. OCLC 3195209. 
• Gowing, Margaret; Arnold, Lorna (1974). Independence and Deterrence: Britain and Atomic Energy, 1945–1952, Volume 1, Policy Making. London: Macmillan. ISBN 0-333-15781-8. OCLC 611555258. 
• Paul, Septimus H. (2000). Nuclear Rivals: Anglo-American Atomic Relations, 1941–1952. Columbus, Ohio: Ohio State University Press. ISBN 978-0-8142-0852-6. OCLC 43615254. 
• Szasz, Ferenc Morton (1992). British Scientists and the Manhattan Project: the Los Alamos Years. New York: St. Martin's Press. ISBN 978-0-312-06167-8. OCLC 23901666. 

---

Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---