Thoth-Amon
Thoth-Amon é unha personaxe ficticia do mundo de Conan o bárbaro, creado por Robert E. Howard, sendo habitualmente antagonista do heroe. Aparece por vez primeira en "O fénix na espada", a primeira das historias de Conan, e é un feiticeiro adorador do deus serpe Set, e en dúas ocasións (O reino salvaxe de Conan 3 e 4) dirixiu un exército de homes-serpe ós que Conan e o seu fillo Conn tiveron que aniquilar.
Nome[editar | editar a fonte]
Presumiblemente Howard derivou o nome da personaxe a partir das deidades exipcias Tot e Amón.
Descrición[editar | editar a fonte]
Thoth Amón é un feiticeiro moi poderoso que leva unha túnica vermella con carapucha e ó que se lle supoñen uns 180 anos. Mantense con vida grazas á súa maxia.
Cos seus poderes pode crear obxectos do nada, facer aparecer monstros e feras, invocar tornados, bólas de enerxía, provocar explosións, ver o futuro e invocar ó deus Set, que se materializa en forma de serpe xigante.
Morreu no Reino salvaxe de Conan 4, tras unha batalla con Conan nunha praia de Zembabwei.