The Girl on the Train (novela)

Na Galipedia, a Wikipedia en galego.
Saltar ata a navegación Saltar á procura

A moza do tren
Título orixinalThe Girl on the Train
Autor/aPaula Hawkins
OrixeGran Bretaña
Linguainglés
Xénero(s)suspense, intriga
EditorialDoubleday
Data de pub.2015
Páxinas320
ISBNISBN 978-0857522313

The Girl on the Train (en galego: A moza do tren) é unha novela de intriga e misterio da autora británica Paula Hawkins, publicada en 2015, que se converteu nun superventas en Gran Bretaña, Estados Unidos e Uruguai desde a súa publicación, e da que se venderon cinco millóns de exemplares en seis meses, permanecendo 20 semanas na lista dos libros máis vendidos do New York Times, e en España superou as 44 edicións.[1]

Argumento[editar | editar a fonte]

Rachel é unha muller devastada polo seu divorcio, que cada mañá toma o tren das 08:04 cara a Londres. Tódolos días, o tren detense nun semáforo vermello, desde onde pode observar varias casas.nunha delas vive unha parella á que Rachel chama Jason e Jess e sobre a que se inventou unha perfecta historia de amor, que máis tarde descobre que non é tan perfecta. Por mor diso, vese involucrada nun misterio.

Personaxes[editar | editar a fonte]

  • Rachel: é a protagonista da historia, é unha muller alcólica e con varios problemas na súa vida. Cada vez que toma o tren, nunha parte do camiño albisca a unha parella á que chama Jess e Jason que, segundo Rachel, son a parella perfecta.
  • Tom: ex parella de Rachel, divorciouse dela polos problemas de alcolismo que tiña Rachel e polos constantes problemas que tiñan como parella. Despois do divoricio, conseguíu formas unha nova familia á cal está disposto a defender como sexa.
  • Megan: é a moza á que Rachel chama como Jess. Megan é unha muller con varios segredos escuros e a súa realidade é moi distinta á que Rachel imaxina.
  • Scott: é a parella de Megan, polo tanto Jason para Rachel. Scott, do mesmo xeito que Megan, é un home con varios defectos o que enturba a súa relación amorosa, que é moi diferente do que aparenta fronte ao resto das persoas.
  • Anna: é a actual esposa de Tom co cal teñen unha pequena filla. Ela é unha muller que vive tratando de compracer ao seu marido e loita pola felicidade da súa familia. Por outra banda vive constantemente asustada e incómoda pola presenza da ex de Tom (Rachel).

Adaptación cinematográfica[editar | editar a fonte]

Os dereitos para a súa adaptación ao cine foron adquiridos por Dreamworks en 2014.[2] En maio de 2015, anunciouse que o director da película sería Tate Taylor cun guión de Erin Cressida Wilson.[3] O 5 de xuño de 2015, fíxose público que a actriz Emily Blunt, estaba en conversacións para protagonizar a película[4], que se realiza en 2016.[5]

Referencia bibliográfica[editar | editar a fonte]

Non existen traducións ó galego.

Notas[editar | editar a fonte]

  1. Plaza, J.M. (02-07-2015). "Paula Hawkins, 'la chica del tren'". elmundo.es. Consultado o 10-04-2018. 
  2. Kroll, Justin (24-03-2014). "DreamWorks Acquires Novel ‘The Girl on the Train’ for Marc Platt (EXCLUSIVE)". variety.com. Consultado o 10-04-2018. 
  3. McNary, Dave (21-05-2015). "‘The Help’ Director Tate Taylor Boards ‘Girl on the Train’". variety.com. Consultado o 10-04-2018. 
  4. Kroll, Justin (04-06-2015). "Emily Blunt in Talks to Star in ‘The Girl on the Train’ Adaptation". variety.com. Consultado o 10-04-2018. 
  5. "La chica del tren". quelibroleo.com. Consultado o 10-04-2018. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]