The Beacon Street Collection é o segundo álbum da banda estadounidense de ska punkNo Doubt, publicado en marzo de 1995. Foi editado independentemente a través do propio selo da banda, Beacon Street Records. No Doubt encargouse da produción e gravou o disco nun estudio caseiro no garaxe da súa casa de Beacon Street en Anaheim (California), de onde o traballo colle o nome. As gravacións adicionais e a mestura leváronse a cabo en Clear Lake Audio en North Hollywood, California co enxeñeiro Colin "Dog" Mitchell.