Supervixens

Supervixens
	Título Supervixens
	Instancia de filme
	Xénero cinema erótico; filme de acción; Sexploitation
	Lingua orixinal lingua inglesa
	Cor en cor
Autoría
	Director/a Russ Meyer
	Compositor/a William Loose
	Guionista Russ Meyer
	Director/a fotografía Russ Meyer
	Editor/a de cine Russ Meyer
	Actores Charles Napier ; Colleen Brennan ; Stuart Lancaster ; Russ Meyer ; Garth Pillsbury (pt) ; Haji (pt) ; Shari Eubank (pt) ; Christy Hartburg (pt) ; Uschi Digard (en) ; John Furlong (pt)
Publicación
	Produtor/a Russ Meyer
	Distribuidor/a RM Films International (en)
	Recadación 17.000.000 $
	Custo 100.000 $
	Puntuación da crítica 100% Rotten Tomatoes (6 de marzo de 2025); 7/10 Rotten Tomatoes (7 de outubro de 2021)
Datas
	Data de publicación 13 de novembro de 1976 (Xapón) ; 12 de agosto de 1977 (Turín) ; 8 de setembro de 1977 (Países Baixos) ; 19 de febreiro de 1986 (Madrid) ; 1 de febreiro de 1984 (Festival de Cinema de Gotemburgo (pt) ) ; 31 de xullo de 1998 (Dinamarca) ; 2 de abril de 1975 (Dallas) ; 20 de abril de 1979 (Alemaña)
	Data de publicación 13 de novembro de 1976 (Xapón) ; 12 de agosto de 1977 (Turín) ; 8 de setembro de 1977 (Países Baixos) ; 19 de febreiro de 1986 (Madrid) ; 1 de febreiro de 1984 (Festival de Cinema de Gotemburgo (pt) ) ; 31 de xullo de 1998 (Dinamarca) ; 2 de abril de 1975 (Dallas) ; 20 de abril de 1979 (Alemaña)
Dimensión
Duración
Duración	105 min
Localización
	Lugar de rodaxe California
	País de orixe Estados Unidos de América
Identificadores
Freebase
Freebase	/m/06fknt
Fontes e ligazóns
	Redes
	Redes
	Wikidata

Supervixens é unha película estadounidense de 1975, dirixida, escrita e producida por Russ Meyer.

É unha historia dun triángulo amoroso convertido nun cuadrángulo. Nela aparecen os actores usuais de Meyer, como Charles Napier, Uschi Digard e Haji. Ademais, aparece Shari Eubank (que só filmou outra película co director), e Christy Hartburg, na súa única aparición con Meyer.

Sinopse

Clint Ramsey, empregado dunha gosolineira nunha vila do deserto, é irresistible para as mulleres, levando todas elas o prefixo "Super" nos seus nomes. Convive con SuperAngel (Shari Eubank), unha ninfómana que o chama decotío ó traballo. Amenázao con queimarlle a casa se non aparece alí inmediatamente, e el vai, enfadado. Rexeita as súas propostas sexuais, e discuten. Un veciño avisa á policía, crendo que el a maltrataba, e un axente os separa.

Clint vai a relaxarse a un club de alterne, onde o atende SuperHaji (Haji). Ela ofrécella a chave da súa habitación para que a espere alí, pero el, novamente, rexeita a súa proposta. Namentres, SuperAngel leva á cama ó axente da policía que a atendera, Harry Sledge, atractivo pero impotente. Despechado polos insultos de SuperAngel mofándose del, acaba asasinándoa e prendendo lume á casa. Ao saber o xefe de Clint do asunto, e pensando que fora o seu empregado quen a matara, vai falar con el, pero este dille que non sabe nada, e deciden que debe escapar.

Fai dedo para dirixirse ó oeste. Recólleno unha parella nova, e ela, SuperCherry (Sharon Kelly), faille propostas sexuais. Clint rexéitaas, e solicita baixar. O mozo, enfadado porque rexeitou á súa moza, dálle unha malleira. Tras roubarlle os cartos que lle deixara o xefe, déixano tirado na beiravía.

Clint é salvado por un vello granxeiro, que vive coa súa muller, unha moza ninfómana austríaca que muxe as vacas, SuperSoul (Uschi Digard). Logo de deixar extenuado ó seu marido, peta na porta de Clint á noite. Espida, ponse sobre el na cama, coa intención de violalo. Desiste, pero outro día conségueo na palleira, onde os descobre o marido. Clint ten que escapar correndo, e chega a un motel.

O motel é propiedade dun vello viúvo e caucásico cunha filla negra e sordomuda, SuperEula (Deborah McGuire). Super Eula convénceo para iren dar unha volta polo deserto, pois o seu pai marchara á cidade, pero este, sospeitándoo, regresa co sheriff e se inicia unha persecución polo deserto. Clint logra escapar de novo, e chega a unha gasoliñeira.

Alí traballa SuperVixen. Ela e Clint convértense en parella, traballando felices na gasoliñeira. Pero chega o policía que matara a SuperAngel, que o recoñece, e decide matalos ós dous.

Comentarios

A película está chea de homenaxes.

A batalla final é unha recreación das pelexas do Correcamiños co Coiote na serie de debuxos animados.

Meyer incluíu moitas bromas habituais entre os veteranos da segunda guerra mundial, con referencias á Alemaña nazi.