Sodalita

Sodalita
Sodalita masiva
Información xeral
Fórmula química	Na₄Si₃Al₃O₁₂Cl
Clase	Silicatos
Subclase	Tectosilicatos
Sistema cristalino	Cúbico
Propiedades físicas
Cor	Incolora, negra, azul
Brillo	De vítreo a graxo
Dureza	5,5-6
Exfoliación	Imperfecta
Fractura	Concoidea
Raia	Branca
Densidade	2,3 g/cm3
Propiedades ópticas
Clasificación
Outros datos
Referencias

A sodalita é un mineral da clase dos silicatos cuxa fórmula química é Na₈(AlSiO₄)₆Cl₂ (25,5% de Na₂O, 31,5% de Al₂O, 37,5% de SiO₂ e 5,5% de cloro).

Aspecto

A sodalita preséntase normalmente de forma masiva, amorfa e granulada aínda que non é raro atopar cristais cúbicos dunha maior transparencia e pureza. É de cor azul e negra, aínda que pode aparecer tamén incolora.

Variedades da sodalita

Existen dous tipos de sodalitas:

• Hackmanita, que contén algo de xofre (S).
• Molibdosodalita, que contén algo de molibdeno (Mo).

Lugares onde se atopa

Aparece en rochas pobres en sílice coma as sienitas e os basaltos.

Usos da sodalita

Descuberta en 1806 en Groenlandia, a sodalita non se utilizou coma material ornamental de importancia ata 1891 cando grandes xacementos de calidade foron atopados en Ontario (Canadá). Dende entón coñécese co sobrenome de princesa azul despois de que a Princesa Patricia, de visita en Ontario pouco tempo despois do seu descubrimento, elixise a sodalita para a decoración interior do Marlborough House en Inglaterra.

Propiedades

A sodalita presenta efervescencia ó contacto con ácido clorhídrico.

Outros silicatos

Outros silicatos a destacar son o cuarzo, a mica, o feldespato e a olivina.