Severino Barros de Lis

Severino Barros de Lis
	;
Biografía
Nacemento	1887 ; Cotobade, España
Morte	9 de maio de 1939 (51/52 anos); Madrid, España
Deputado nas Cortes republicanas
	Representa: Confederación Española de Derechas Autónomas; 26 de febreiro de 1936 – 2 de febreiro de 1939 ; Lexislatura: III lexislatura da Segunda República Española ; Circunscrición electoral: Pontevedra
Deputado nas Cortes republicanas
	1 de decembro de 1933 – 7 de xaneiro de 1936 ; Lexislatura: II lexislatura da Segunda República Española ; Circunscrición electoral: Pontevedra
Actividade
Lugar de traballo	Madrid
Ocupación	avogado, político
Familia
Fillos	Jesús Barros de Lis

Antonio Severino Barros de Lis, nado en Cerdedo-Cotobade en 1887 e finado en Madrid o 9 de maio de 1939,^[1] foi un avogado e político galego.

Traxectoria

Estudou Dereito na Universidade de Santiago de Compostela. Gañou a oposición á Xudicatura e á de Secretarios xudiciais. Foi xuíz en varias localidades españolas e secretario xudicial na Audiencia de Burgos. Finalmente desempeñou a secretaría da Sala Terceira do Tribunal Supremo de España. Xa en decembro de 1930 manifestou o seu propósito de presentarse como candidato a deputado polo distrito de Ponte Caldelas con carácter agrario-rexionalista.^[2] Foi elixido deputado pola provincia de Pontevedra nas listas da CEDA nas eleccións xerais de 1933 e 1936. O golpe de Estado do 18 de xullo de 1936 colleuno en Madrid, onde permaneceu agochado durante a guerra civil.^[1]

Primo de Manuel de Lis Varela. Casou con Carmen Gaspar e foi pai de Jesús Barros de Lis Gaspar.