Sarafan (Legacy of Kain)
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2017.) |
Os Sarafan son un grupo de sacerdotes guerreiros na serie de videoxogos Legacy of Kain. Eran unha orde dedicada á erradicación dos vampiros. A súa cruzada rematou aproximadamente 500 anos antes do inicio do primeiro xogo, cando os seus líderes foron asasinados pouco despois de acabar co vampiro Janos Audron.
Os seus membros
[editar | editar a fonte]Nos xogos, moitos Sarafan foron vistos pero só sete foron nomeados. Raziel era un membro de alto rango dos Sarafan e persoalmente matou a Janos Audron pouco antes de ser asasinado en vinganza polo seu futuro eu. Turel, Dumah, Rahab, Zephon e Melchiah eran xerais xunto a Raziel durante a súa cruzada. Malek era o líder dos Sarafan e tamén defendía ao Círculo de Nove, do cal tamén era membro (como o Gardián do Alicerce do Conflito).
Nun acto de irónica blasfemia, Kain reviviu a Raziel, Turel, Dumah, Rahab, Zephon e Melchiah coma os seus fillos vampiros.
A orde no Blood Omen 2
[editar | editar a fonte]Unha nova orde do mesmo nome foi formada 700 anos despois de que a orixinal fose disolta, por unha entidade misteriosa coñecida como o 'Lord Sarafan'. A nova orde tiña o obxectivo de dominar todo Nosgoth (o cal lograron aproximadamente 400 anos despois do primeiro xogo). Nese momento instalaron un goberno ditatorial, que foi derrocado cando un Kain resucitado asasinou o Sarafan Lord, quen era en realidade o Hylden Lord disfrazado, e que usaba a orde para tratar de liberar a súa raza e destruír os seus inimigos, os Vampiros. Esta orde non ten nada en común coa orixinal, máis que o nome e o seu obxectivo de exterminar a raza vampira.