O nome pronúnciase "Rula-Bula" e úsase en gaélico irlandés para describir o ambiente animado dos bares.
Ruaille-Buaille naceu pola unión de músicos de ampla traxectoria na música folk. O grupo tivo desde os comezos unha fortísima influencia do folk irlandés e un marcado carácter acústico. Porén o grupo foi evolucionando e definindo o seu propio estilo musical, bebendo doutras fontes axenas á cultura irlandesa coma a galega, balcánico e por suposto vasca, introducindo tamén bases rítmicas, batería e baixo eléctrico. O grupo resultou gañador no Proxecto Runas 2013 do Festival Internacional do Mundo Celta.[1]
Orixinalmente, os membros do grupo eran 5 mais por mor da interrupción causada pola pandemia da COVID-19, a maioría dos membros da banda decidiron deixala. Porén os membros Duncan Bennet e Beltza Aveleira decidiron continuar, cun novo proxecto, baixo o nome de RULA, e atraeron a dous novos membros: Iker Lope de Bergara e Marce Elorza.
