Rousillon Rupes

Na Galipedia, a Wikipedia en galego.
Rousillon Rupes
Rousillon Rupes xunto enriba do cráter Úrsula e a Belmont Chasma.
Tipo de accidente xeolóxico Rupes
Accidente xeolóxico de Titania
Lonxitude 402 km[1]
Profundidade ?
Coordenadas 14,7° S 26,5° E[1] (coord. centrais)
Procedencia do nome vila que aparece na obra de William Shakespeare, All's Well That Ends Well.[1]

Rousillon Rupes e unha escarpa sobre a superficie da lúa de Urano, Titania; recibiu o nome dunha vila que aparece na obra de William Shakespeare, All's Well That Ends Well.[1] A lonxitude desta escarpa é do redor de 402 km, e é unha falla normal situada preto do ecuador e corre perpendicularmente respecto del. A escarpa corta varios cráteres de impacto, o cal suxire que probablemente se formase este accidente xeolóxico en etapas tardías da evolución desta lúa,[2] cando o interior de Titania se expandiu e coma resultado a súa cortiza de xeo rachou.[3] Rousillon Rupes ten moi poucos cráteres superpostos, o que reafirma que esta rupes é unha estrutura xeolóxica relativamente nova. Rousillon Rupes foi fotografada por primeira vez pola sonda espacial Voyager 2 en xaneiro do 1986.[2]

Notas[editar | editar a fonte]

  1. 1,0 1,1 1,2 1,3 USGS Astrogeology (ed.). "Titania: Rousillon Rupes". Gazetteer of Planetary Nomenclature. Consultado o 13-10-2009. 
  2. 2,0 2,1 Smith, B.A.; Soderblom, L.A.; Beebe, A. e o seu equipo. (1986). "Voyager 2 in the Uranian System: Imaging Science Results". Science 233: 97–102. PMID 17812889. doi:10.1126/science.233.4759.43. 
  3. Conferencia a cargo de Croft, S.K. "New geological maps of Uranian satellites Titania, Oberon, Umbriel and Miranda" (1989), edición da conferencia a cargo do "Lunar and Planetary Sciences Institute" e recollida na obra "Proceeding of Lunar and Planetary Sciences" vol. 20, pax 205C

Véxase tamén[editar | editar a fonte]

Outros artigos[editar | editar a fonte]