Rosa María Sánchez-Yebra
| Biografía | |
|---|---|
| Nacemento | década de 1960  (52/62 anos)Ourense, España |
| Formación profesional | Doutora en Farmacia Mestrado en Dirección e Administración de Empresas |
| Educación | Universidade de Santiago de Compostela Instituto de Empresa |
| Actividade | |
| Ocupación | farmacéutica, economista |
Rosa María Sánchez-Yebra Alonso, nada en Ourense o 20 de xullo de 1962, é unha farmacéutica e economista galega.
Traxectoria
[editar | editar a fonte]Sánchez-Yebra é doutora en Farmacia pola Universidade de Santiago de Compostela e ten un mestrado en Dirección e Administración de Empresas polo Instituto de Empresa.[1][2]
Pertence aos corpos de Técnicos Comerciais e Economistas do Estado Español, e da Oficina Española de Patentes e Marcas.[3]
Tras iniciar a súa carreira profesional en 1990 como experta en patentes químicas e farmacéuticas da Oficina Española de Patentes y Marcas, en 1999 ingresou no corpo de Técnicos Comerciales y Economistas del Estado. Desde entón ocupou diversos postos vinculados ao Ministerio de Economía y Hacienda na Dirección General del Tesoro y Política Financiera, ou como asesora responsábel da Comisión Delegada de Asuntos Económicos no Gabinete do Ministro de Hacienda. Tamén foi directora de gabinete do Secretario de Estado de Economía (2002-2004), directora da Oficina Comercial na Embaixada de España en Romenia (2004-2009) e directora do gabinete do Ministro de Economía y Competitividad (2012-2014).[2]
Entre 2014 e 2016 foi secretaria xeral de Tesoro y Política Financiera, membro do Comité Económico e Financeiro da Unión Europea e adxunta ao Ministro no Eurogrupo e o Ecofin. Foi conselleira do Banco de España e da CNMV e vicepresidenta do Fondo de Garantía de Depósitos. Desde 2017 é vicegobernadora de Estratexia de Desenvolvemento Social do Banco de Desenvolvemento do Consello de Europa.[2]
En xuño de 2021 incorporouse ao Consello da recentemente creada Sociedade para o Desenvolvemento de Proxectos Estratéxicos de Galicia, institución público-privada que canalizará os proxectos que optan aos millonarios fondos Next Generation da UE.[4]
O 27 de outubro de 2021 o consello de administración de Abanca aprobou o nomeamento de Sánchez-Yebra como nova conselleira independente. Esta ourensá convértese así na cuarta conselleira independente da entidade, e a súa elección sitúa por riba dun terzo (36,3 %) a proporción de mulleres no máximo órgano de xestión de Abanca, o que supón «un novo paso adiante na estratexia de igualdade da entidade», tal e como destacaron desde o banco.[1]
Notas
[editar | editar a fonte]- ↑ 1,0 1,1 Economía (28 de outubro de 2021). "Abanca nombra a Rosa María Sánchez-Yebra nueva consejera independiente]". La Voz de Galicia. Consultado o 28 de outubro de 2021.
- ↑ 2,0 2,1 2,2 Gonzalo Alconada, Ángeles (28 de outubro de 2021). "Abanca nombra consejera a Rosa María Sánchez-Yebra". CincoDías. El País Economía. Consultado o 28 de outubro de 2021.
- ↑ "Secretaria General del Tesoro y Política Financiera".
- ↑ Moscoso, X. R. Moscoso (22 de xuño de 2021). "La Xunta ficha a la primera mujer, jefa del Tesoro con Rajoy, para la sociedad que captará fondos europeos". Economía Digital Galicia. Consultado o 28 de outubro de 2021.