Rokia Traoré

Rokia Traoré
	; (2013)
Biografía
Nacemento	24 de xaneiro de 1974 (50 anos); Kolokani, Malí (en)
Actividade
Campo de traballo	Composición musical
Ocupación	cantautora, cantante, compositora
Período de actividade	1997 -
Xénero artístico	World music e Música africana
Instrumento	Guitarra e voz
Premios
	(2009) Victory of the album of traditional musics or musics of the world (en) , premiado polo traballo Tchamantché (en) ;
Descrito pola fonte	Obálky knih,
Sitio web	rokiatraore.net

Rokia Traoré, nada o 24 de xaneiro de 1974, é unha cantante, compositora e guitarrista maliana.

Traxectoria

Traoré pertence á etnia bambara, tamén chamada bamana. Naceu en 1974 na rexión de Belidougou, en Malí, preto da fronteira con Mauritania.^[1] Durante a súa infancia e mocidade residiu en varios países do mundo -entre eles Alxeria, Arabia Saudita, Francia e Bélxica-, debido a que o seu pai era diplomático.^[2]

Aínda que os bambara teñen unha importante tradición musical, baseada nos griots, músicos profesionais, a familia de Traoré pertencía á nobreza, que ten tradicionalmente prohibido dedicarse á música. No entanto, Rokia emprendeu a carreira musical, contando entre os seus primeiros mestres ao soado guitarrista maliano Ali Farka Touré.^[1]

Unha das súas primeiras cancións, "Finini", tivo un grande éxito no seu país natal. En 1997 gañou o premio "Découverte Afrique" de Radio Francia Internacional, o que lle proporcionou a oportunidade de darse a coñecer fóra de Malí.^[1] O seu primeiro disco publicado internacionalmente, Mouneissa (1998) tivo un grande éxito polo seu tratamento da música tradicional maliana e o emprego de instrumentos como o n'goni, a kora e o balafon xunto coa guitarra e o baixo acústicos. En Europa vendeu unhas 40.000 copias. Dous anos despois, en 2000, publicou Wanita, álbum para o que compuxo a letra e a música de todos os temas.^[2]

En 2003 publicou o seu terceiro álbum, Bowmboï, e en 2008 o cuarto, Tchamantché. Neste último, Traoré asina todas as cancións, fóra dunha versión dun tema de Billie Holiday, The man I love.^[1]

Discografía

Mouneissa (1998)
Wanita (2000)
Bowmboï (2003)
Tchamantché (2008)
Beautiful Africa (2013)
Né So (2016)

Notas

↑ ^1,0 ^1,1 ^1,2 ^1,3 "Rokia Traoré" Arquivado 24 de novembro de 2005 en Wayback Machine., en Radio France Internationale.
↑ ^2,0 ^2,1 "Rokia Traoré" en Allmusic.

Véxase tamén

Ligazóns externas

Páxina web de Rokia Traoré (en inglés)
Artigo en All Music Guide (en inglés)
Perfil de Rokia Traoré en rfimusique (en francés)

[rfi_musique-1] 1,0 ^1,1 ^1,2 ^1,3 "Rokia Traoré" Arquivado 24 de novembro de 2005 en Wayback Machine., en Radio France Internationale.

[allmusicguide-2] 2,0 ^2,1 "Rokia Traoré" en Allmusic.

[1]

[2]