Ricardo Vázquez Gómez
| Biografía | |
|---|---|
| Nacemento | c. 1903  Boqueixón, España |
| Morte | 11 de maio de 1937 (33/34 anos) Santiago de Compostela, España |
| Causa da morte | pena de morte, ferida por arma de fogo |
| Actividade | |
| Ocupación | xornaleiro, político |
 | |
Ricardo Vázquez Gómez, nado en Boqueixón cara a 1903 e finado en Santiago de Compostela o 11 de maio de 1937, foi un xornaleiro e político galego.
Traxectoria
[editar | editar a fonte]Xornaleiro veciño de Sergude. Garda das obras do ferrocarril A Coruña-Zamora no tramo A Susana-Santiago de Compostela. Logo do golpe de Estado do 18 de xullo de 1936 foi detido. Xulgado en consello de guerra en Santiago de Compostela pola causa 1195/36 o 17 de abril de 1937 xunto con Laureano Amboage Quiñoy, Jesús Rodríguez Vázquez, José Antúnez Barros e Julián Albor Souto, acusados do delito de rebelión, o fiscal pediu a pena de morte para Ricardo Vázquez e Laureano Amboage e reclusión perpetua para os outros.[1][2] Finalmente só Ricardo Vázquez foi condenado a morte, sendo executado en Compostela o 11 de maio de 1937.[3]
