Reino de Masa

Na Galipedia, a Wikipedia en galego.
Saltar ata a navegación Saltar á procura

O reino de Masa foi un pequeno estado do occidente de Anatolia que existiu sobre o século XIII a.C.. Estaba situado na clásica Galacia ou nordeste de Frixia, e sur do Ponto. No século XIV a.C. foi poboado por tribos kaska, e fixo nela unha campaña o rei Tudhaliyas III, acompañado do seu fillo e futuro sucesor Suppiluliumas I (daquela príncipe), sobre o 1360 a.C..

Despois da conquista hitita de Arzawa (sobre 1320/1310 a.C.) un rei que as taboíñas mencionan cono E.gal.pap (os dous puntos están por dúas letras que faltan) sublevouse ao oeste de Hatti durante uns dez anos. Maskhuiluwas de Mira e Kuwaliya, inicialmente leal aos hititas, canso da súa tutela, uniuse ao rebelde e incitou tamén á rebelión do reino de Pitassa. E.gal.pap podería ser o rei de Masa pero iso non se pode confirmar.

Mursilis II foi a Sallapa desde onde ameazou a Maskhuiluwas de Mira e Kuwaliya; este fuxiu ao reino de Masa, mentres o seu reino de Mira e Kuwaliya se rendeu aos hititas. Mursilis invadiu Masa, causando moitos danos. Mursilis ameazou coa destrución a Masa e a xente do país fixeron prisioneiro ao rei rebelde e entregárono ao rei hitita, sendo enviado a Hattusa e despois nomeado gran sacerdote dunha cidade sagrada, e no seu lugar Mursilis instalou a un sobriño e fillo adoptivo do deposto, chamado Kupanta-Kurunta. Suponse que E.gal.pap foi derrotado nas campañas de Mursilis a partir de seu décimo cuarto ano de reinado e neses anos Masa foi incorporada aos dominios hititas. Pero ao comezo do reinado de Muwatallis II aínda aparece Masa atacando a Wilusa, o rei da cal, Alaksandu, pediu axuda ao rei hitita, grazas á cal rexeitou a invasión. Alaksandu estableceu un novo tratado cos hititas polo que se convertía en vasalo.