Provincias de Tailandia

---

Este artigo non contén imaxes. Pode axudar cargando imaxes, na Galipedia ou na Wikimedia Commons, relacionadas co contido do artigo, ou incluíndo unha xa existente.  Debe ter en conta as políticas de uso de imaxes e o respecto polos dereitos de autoría.

---

Tailandia divídese en 76 provincias (en tailandés: จังหวัด, changwat, singular e plural), que son xeograficamente agrupadas en seis rexións. A capital Bangkok non é propiamente unha provincia, senón que é unha área de administración especial considerada a 77ª provincia por ter o mesmo nivel administrativo que as outras 76 provincias. O nome das provincias é o mesmo que o das súas respectivas capitais. So seis provincias teñen por capital unha cidade que non é a máis grande, estas son Tak (Mae Sot é a maior cidade), Pathum Thani (Rangsit é a maior cidade), Songkhla (Hat Yai é a maior cidade), Chonburi (Pattaya é a maior cidade), Narathiwat (Su-ngai Kolok é a maior cidade) e Prachuap Khiri Khan (Hua Hin é a maior cidade).

Bangkok é a que ten tanto maior poboación como densidade de poboación. A provincias máis extensa é Nakhon Ratchasima, a máis pequena é Samut Songkhram. Ranong é a que ten menos número de habitantes, mentes que Mae Hong Son é a que ten menor densidade de poboación (datos segundo o censo do ano 2000).

Cada provincia está administrada por un gobernador, posto polo Ministerio de Interior, agás Bangkok, onde o gobernador é escolleito polos seus habitantes.

Tailandia subdivídese logo en 878 distritos (amphoe, อำเภอ). Os cincuenta distritos de Bangkok son chamados khet (เขต), pero é normal tamén chamalos amphoe. O número de distritos por provincia varía moito. Os distritos subdivídense logo en tambon (comunas) e finalmente en muban (poboados). En Bangkok o tambon son denomindados khwaeng.