Praia dos Cristais
| Praia dos Cristais | |
|---|---|
 Praia dos Cristais | |
| Coordenadas: 43°13′36″N 9°00′39″O / 43.226667, -9.010833 | |
| Características xerais | |
| Localización | Laxe |
| Grao de ocupación | Baixo |
| Grao de urbanización | Ningún |
| Características específicas | |
| Tipo de praia | Cala |
A praia dos Cristais é un pequeno areal situado na vila de Laxe, na Costa da Morte.[1]
A súa denominación débese a que a praia está chea de pequenos anacos de cristal, que semellan area multicolor. O vidro tirábase preto da praia e despois de se desgastar por erosión na costa foise acumulando nesta, xa que é unha zona de deposición.[2]
A praia ten un pequeno varadoiro que serve de refuxio para pequenas embarcacións e un palco de pedra onde se realizan actividades culturais coma o solpor poético.[3][4] Preto da praia hai un miradoiro e o faro da Insua.
Nesta praia rodouse a serie Mareas vivas da TVG.[2]
Por esta praia pasa a 4ª etapa da ruta de sendeirismo do Camiño dos Faros.
Notas[editar | editar a fonte]
- ↑ "Turismo da natureza: outras calas. Concello de Laxe.". Arquivado dende o orixinal o 28 de xuño de 2012. Consultado o 27 de xullo de 2017.
- ↑ 2,0 2,1 Cristina Viu (3 de maio de 2004). "Los ecologistas, contra la destrucción de la playa de los cristales". La Voz de Galicia (en castelán). Consultado o 10 de setembrode 2018.
- ↑ "Solpor Poético, Concello de Laxe".
- ↑ "A Praia dos Cristais vibrou de emoción no Solpor Poético de Laxe". Que pasa na Costa. 24 de agosto 2014.