Pokédex

O Pokédex (ポケモン図鑑, Pokemon Zukan, Indexador Pokemon, tamén chamado "Dexter") no mundo ficticio de Pokémon, é unha enciclopedia portátil de alta tecnoloxía que os adestradores Pokémon levan consigo para rexistrar as datas das diversas especies Pokémon coas que se atopan durante a súa viaxe como adestradores.

Información xeral

A primeira versión comercializada da Pokédex.

A Pokédex, orixinalmente, só podía rexistrar información dos primeiros 151 Pokémon que nese entón existían (a chamada primeira xeración de Pokémon: os videoxogos Pokémon Vermello e Azul). Posteriormente, a súa base de datos foise actualizando ata aumentar as súas opcions de busca e a súa capacidade para rexistrar 493 Pokémon.

A Pokédex, pode rexistrar información de dúas formas. A primeira é cando un adestrador atopa un Pokémon salvaxe, nese intre a Pokédex realiza un escaneamento, ó detectar ó Pokémon, e só almacena o seu nome e imaxe. A segunda é cando un adestrador captura a un Pokémon salvaxe o que fai que a Pokédex realice unha análise intensiva ó Pokémon logrando mostrar información máis detallada como o seu tipo, ataques e unha información breve sobre a criatura.

Cada adestrador agrega nova información á súa Pokédex ó capturar, recibir ou intercambiar novos Pokémon que non tiña aínda rexistrados.

No anime

A diferenza do seu funcionamento nos videoxogos, a Pokédex da serie de anime xa vén con información rexistrada sobre os Pokémon que foron descubertos. Así mesmo este dispositivo posúe rexistro de voz gravada, é dicir, cando o adestrador desexa información dun Pokémon, o dispositivo activa un sistema que explica as características do Pokémon ó adestrador por medio de frases xa gravadas.

Outra das súas diferenzas é que, para poder rexistrar información dun Pokémon, non é necesario capturalo, o adestrador tan só debe expoñer a súa Pokédex ó Pokémon e o sistema realiza un escaneamento automático ata atopar na súa base de datos a información sobre tal Pokémon. O escaneamento realízao visualizándoo por medio dun sensor que posúe.

Pokédex Nacional

Adicionalmente, na terceira xeración, existe unha Pokédex chamada Pokédex Nacional, unha actualización da Pokédex Rexional de Pokémon Rubí, Zafiro e Esmeralda, cunha lista completa de tódolos Pokémon, xa que a Pokédex Rexional só é capaz de rexistrar información dos Pokémon das rexións polas cales se pode viaxar nese xogo, e para poder rexistrar Pokémon doutras rexións, debe ser actualizada á Pokédex Nacional:

• Nas edicións Rubí e Zafiro, basta con intercambiar un Pokémon que non exista en Hoenn a un destes dous xogos.
• Nas edicións Esmeralda, Vermello Lume e Verde Folla, o Profesor Oak, entrégache a Pokédex Nacional ó rexistráreste no Salón da Fama e ter un mínimo de 60 Pokémon capturados na Pokédex.
• Nas edicións Diamante e Perla, o profesor daracha cando ves a tódolos Pokémon da rexión de Sinnoh, e ó rematala o Profesor Oak darache un Pokeradar para localizar Pokémon de Kanto, Johto ou Hoenn. Ademais poderás ir ó Parque Compi, denantes dous homes non che deixaban pasar por non teres completado a Pokédex.