Pissed Jeans

Na Galipedia, a Wikipedia en galego.
Saltar ata a navegación Saltar á procura
Pissed Jeans
OrixeAllentown, Pensilvania, Flag of the United States.svg
Período2004 - presente
Xénero(s)hardcore punk, noise rock, post-hardcore
Selo(s) discográfico(s)Sub Pop, Parts Unknown
MembrosBradley Fry
Randy Huth
Matt Korvette
Sean McGuinness
Antigos membrosDave Rosenstraus
Tim Wynarczuk

Pissed Jeans é unha banda estadounidense de hardcore punk procedente de Allentown, Pensilvania. Os seus membros afirman tocar "punk rock alto, pesado e ruidoso"[1] e están influenciados polas bandas de hardcore e post-hardcore dos anos 80.[2] A banda publicou varios sinxelos de 7", tres EPs e cinco álbums e a día de hoxe ten un contrato con Sub Pop Records.

Historia[editar | editar a fonte]

Todos os membros da banda asistiron ao Nazareth High School e inicialmente planearon usar o nome Unrequited Hard-On antes de decidirse por Pissed Jeans.[2] Como explicou Matt Korvette,

A idea era iniciar un tipo distinto de banda de punk centrada en ansias carnais mortais, drepresión sexual... ese tipo de cousas. Principalmente só queríamos golpear ao oínte con música drone aburrida e monótona que só te saca a enerxía, o equivalente musical a ver a cisterna dun baño.[2]

Pissed Jeans publicou a súa estrea, Shallow, en 2005 a través do selo Parts Unknown Records. Seguíronlle Hope for Men (2007), King of Jeans (2009) e Honeys (2013), todos editados a través de Sub Pop Records. King of Jeans e Honeys foron producidos por Alex Newport.[3]

The New York Times recoñeceu á banda por "traer de volta memorias dos 80 de noise duro e desaliñado, cando as bandas de punk decatáronse de que podían ralentizar a música e permitir que se desmoronase un pouco"; porén, o artigo tamén observou a reacción "agresiva e noxenta" dos asistentes a un concerto en 2008, que evidentemente non estaban preparados para o son de Pissed Jeans: os asistentes ao concerto "comezaron a amontonarse defensivamente nos laterais", coas "columnas de altofalantes en cada lado da banda... sendo usados como algo para aguantar. Os hipsters promedio comezaron a parecerse aos mariñeiros agarrados a un mastro nunha tempestade".[4]

O seu álbum Honeys foi editado en febreiro de 2013. Allmusic destacou que "Afortunadamente, cando o mundo fai que te sintas atrapado, Pissed Jeans está aí para axudarte a enfadarte un pouco mentres atopas algunha perspectiva".[5]

O derradeiro disco de Pissed Jeans ata a data é Why Love Now, publicado en febreiro de 2017.

Discografía[editar | editar a fonte]

Álbum Ano Selo
Shallow 2005 Parts Unknown
Hope For Men 2007 Sub Pop Records
King of Jeans 2009 Sub Pop Records
Honeys 2013 Sub Pop Records
Why Love Now 2017 Sub Pop Records

Notas[editar | editar a fonte]

  1. Lords of Metal (ed.). "Pissed Jeans". Consultado o 6 de xaneiro de 2018. 
  2. 2,0 2,1 2,2 Blastitude (ed.). "Pissed Jeans". Consultado o 6 de xaneiro de 2018. 
  3. Records, Sub Pop. "Pissed Jeans". Sub Pop Records (en inglés). Consultado o 2019-03-14. 
  4. Ratliff, Ben (2008-02-18). "Music - Review". The New York Times (en inglés). ISSN 0362-4331. Consultado o 2019-03-17. 
  5. "Honeys - Pissed Jeans | Songs, Reviews, Credits". AllMusic (en inglés). Consultado o 2019-03-15.