Partido de Villarino

Partido de Villarino

Localización
38°49′S 62°42′O
Estado	Arxentina
Provincia da Arxentina	Provincia de Buenos Aires
Capital	Médanos
Poboación
Poboación	32.717 (2022) (2,87 hab./km²)
Xeografía
Superficie	11.400 km²
Altitude	32 m
Comparte fronteira con	Puán (partido) (pt) Bahía Blanca (partido) (pt) Tornquist (pt) Patagones (pt)
Creación	28 de xullo de 1886
Páxina web	villarino.gob.ar

Villarino é un dos 135 partidos da provincia arxentina de Buenos Aires. Atópase no suroeste da provincia, limitado ao norte polos partidos de Puan, Tornquist e Bahía Blanca, ao sur polo río Colorado, que o separa do partido de Patagones, o distrito máis meridional da provincia de Buenos Aires; ao oeste pola provincia da Pampa, e ao leste polo mar Arxentino. As illas Wood e Ariadna forman parte do partido.

Polo decreto provincial 449/99, o municipio do partido de Coronel Rosales exerce a titularidade e administración das illas de Embudo, Bermejo e Trinidad, tres das illas da ría de Bahía Blanca, que suman uns 400 km². Porén, esas illas non pertencen legalmente ao partido de Coronel Rosales, senón que forman parte do partido de Villarino.

Segundo os resultados finais do censo de 2022, a poboación do partido alcanza os 32.717 habitantes. A súa cabeceira é a cidade de Médanos.

Toponimia

Toma o seu nome do mariñeiro e explorador galego Basilio Vilariño (ou Villarino).

Localidades

Poboación segundo o censo de 2010.

• Pedro Luro 9.494 habitantes.
• Mayor Buratovich (antiga Tres Chañares) 5.872 habitantes.
• Médanos 5.447 habitantes.
• Juan Cousté (Est. Algarrobo) 5.372 habitantes.
• Hilario Ascasubi 3.427 habitantes.
• Teniente Origone 145 habitantes.
• Colonia San Adolfo 109 habitantes.
• Argerich 80 habitantes.
• Laguna Chasicó
• Balneario La Chiquita