Os cuantitativos galegos
Ir ao índice do Curso de lingua galega. Tamén pode consultar a Normativa oficial do galego.
Os determinantes cuantitativos son os que acompañan un nome e indican unha cantidade, pero de xeito impreciso e global.
Poden ter forma variable (con terminacións de xénero e número) ou invariable:
| variables |
|---|
| moito, moitos, moita, moitas |
| pouco, poucos, pouca, poucas |
| varios, varias |
| bastante, bastantes |
| abondo, abondos, abonda, abondas |
| ningún, ningúns, ningunha, ningunhas |
| tal, tales |
| tanto, tantos, tanta, tantas |
| invariables |
|---|
| algo, nada, dabondo, alguén, ninguén, cadaquén, calquera, mesmo |
Cómpre saber ademais que ...[editar | editar a fonte]
- Abondo: Hai cartos dabondo para financiar este proxecto / Hai cartos abondos para financiar este proxecto.
- Mesmo: Eu mesmo llo preguntei (identidade); É o mesmo facelo ca non facelo (igual); Pasou mesmo por aquí ("xusto"); Viñeron todos, mesmo o teu irmán ("incluso").
- Quen é invariable. Daquela será incorrecta a frase *Quenes veñan terán premio; haberá que dicir Os que veñan ... ou *Quen veña ...
- Calquera tamén é invariable . Daquela son incorrectas formas como *calqueira, *calquer, *calesqueira ou *calesquera. Pode asistir ao curso calquera persoa das que estean inscritas.
- Ninguén: non é correcto *nadie nin *naide.
- Algún non pode aparecer detrás da negación. É incorrecto dicir: *Meu pai non me deu diñeiro algún; teremos que dicir: diñeiro ningún (ou ningún diñeiro).