Orxata Sound System (a miúdo escrito simplemente Orxata, en homenaxe á bebida homónima) é un colectivo musical valenciano nacido no 2003 que mestura diferentes estilos de música electrónica coma o drum and bass, electro, dubstep ou ragga coa música tradicional valenciana.
As letras conteñen un forte compoñente de crítica social e un certo compoñente escéptico: ademais de utilizaren o valenciano coma lingua para se expresaren, o grupo aposta por formas libres e horizontais de distribución e creación facendo uso de licenzas de Creative Commons, publicando o seu traballo nas redes de intercambio p2p, e promovento a edición das letras das súas cancións nunha páxina wiki na súa web.
Os discos da banda seguen a mesma nomenclatura que as versións dun programa informático. Así, a demo coñécese como 0.5, e os tres álbums están numerados 1.0, 2.0 e 3.0.
.jpg?lang=gl){kind=logo}
