Olhão

Olhão
Localización
	37°01′40″N 7°50′20″O / 37.0278, -7.8389
Estado	Portugal
Distritos	Distrito de Faro
Capital	Olhão
Contén a división administrativa	Moncarapacho e Fuseta (pt) ; Olhão (freguesía) ; Pechão ; Quelfes
Poboación
Poboación	45.396 (2011) (346,91 hab./km²)
Xeografía
Superficie	130,86 km²
Comparte fronteira con	Faro ; Tavira ; São Brás de Alportel
Datos históricos
Día festivo	festa patronal (16 de xuño)
Identificador descritivo
Código postal	8700
Fuso horario	UTC±00:00
Prefixo telefónico	289
Outro
Irmandado con	Agadir ; Lesparre-Médoc ; Río de Xaneiro
Sitio web	cm-olhao.pt

Olhão (oficialmente, Olhão da Restauração), é un municipio e cidade portuguesa da rexión do Algarve (e do seu único distrito de Faro).

Xeografía

O concello de Olhão foi fundado en 1808.

Limita ao norte e ao leste co municipio de Tavira, ao oeste co de Faro, ao noroeste co de São Brás de Alportel, e ao sueste co océano Atlántico.

O municipio, que comprende unha parte continental e a illa de Armona, na ría Formosa, ocupa unha extensión de 126,82 km².^[1]

Segundo o censo de 2001 contaba cunha poboación de 40 808 habitantes,^[2] polo que a súa densidade de poboación nese ano era de 322 hab./km².

Historia: a vila de Olhão da Restauração

Despois da revolta dos olhanenses contra os franceses (entre o 16 e o 19 de xuño de 1808), algúns pescadores do lugar de Olhão oferecérose para ir ao Brasil a dar ao futuro Xoán IV de Portugal a noticia da restauración do Reino do Algarve. O Bom Sucesso, como se chamaba a embarcación, chegou ao seu destino o día 22 de setembro de 1808, asombrando ao propio príncipe rexente, que recompensou aos olhanenses con diversos cargos e os condecorou. O 15 de novembro, o mesmo monarca concedia ao lugar de Olhão o nobre título de Vila do Olhão da Restauração (sic), igualándoa ás "vilas máis notábeis do Reino". Deste modo, a pequena aldea, que non tería máis de 5 000 habitantes, conseguiu separarse de Faro e transformarse en concello.^[3]

Freguesías

O municipio está subdividido en catro freguesías:^[4]

Freguesías do municipio de Olhão
Freguesía	Residentes (2011)	Residentes (2021)^[2]
Moncarapacho e Fuseta	9 635	9 275
Olhão	14 914	14 208
Pechão	3 601	3 886
Quelfes	17 246	17 270
Total	45 396	44 639

Galería

Câmara Municipal
Comisaría da Guarda Nacional Republicana
Praza do mercado no centro do municipio
Casa da Primeira Infância da Misericórdia de Olhão
Praia na illa de Armona

Notas

↑ Instituto Geográfico Português (2013). "Áreas das freguesias, municípios e distritos/ilhas da CAOP 2013". Arquivado dende o orixinal o 09 de decembro de 2013. Consultado o 12 de novembro de 2021.
↑ ^2,0 ^2,1 INE. "Censos 2021 - resultados preliminares". Arquivado dende o orixinal o 05 de outubro de 2021. Consultado o 12de novembro de 2021.
↑ A revolta da vila de Olhão da Restauração, Chegaram os Franceses! (Extrato de Documentário), por Júlia Fernandes, RTP, 2007.
↑ Lei nº 11-A/2013, de 28 de janeiro: Reorganização administrativa do território das freguesias. Anexo I. Diário da República, 1ª Série, nº 19, Suplemento, de 28/01/2013.

Véxase tamén

Bibliografía

Francisco Xavier de Ataíde Oliveira (1906): Monografia do Concelho de Olhão da Restauração. (Hai 2 reedicións).
Alberto Iria: "O Compromisso Marítimo da vila de Olhão da Restauração (Subsídios para a história das corporações de mareantes e pescadores do Algarve)", en Mensário das Casas do Povo, nº 120.
António Rosa Mendes (2008): Olhão fez-se a si próprio. Olhão: Gente Singular Editora.

Ligazóns externas

Páxina web oficial do concello de Olhão (en portugués).

[1] Instituto Geográfico Português (2013). "Áreas das freguesias, municípios e distritos/ilhas da CAOP 2013". Arquivado dende o orixinal o 09 de decembro de 2013. Consultado o 12 de novembro de 2021.

[censos2021-2] 2,0 ^2,1 INE. "Censos 2021 - resultados preliminares". Arquivado dende o orixinal o 05 de outubro de 2021. Consultado o 12de novembro de 2021.

[3] A revolta da vila de Olhão da Restauração, Chegaram os Franceses! (Extrato de Documentário), por Júlia Fernandes, RTP, 2007.

[4] Lei nº 11-A/2013, de 28 de janeiro: Reorganização administrativa do território das freguesias. Anexo I. Diário da República, 1ª Série, nº 19, Suplemento, de 28/01/2013.

[1]

[2]

[3]

[4]