Odón I de Tolosa
| Biografía | |
|---|---|
| Nacemento | século IX  |
| Morte | 918 (Gregoriano) Tolosa, Francia |
| Actividade | |
| Ocupación | monarca |
| Outro | |
| Título | Conde |
| Familia | House of Toulouse (en)  |
| Cónxuxe | Garsinde |
| Fillos | Garsinda, Countess of Barcelona, Armengol de Rouerge e de Toulouse, Raimundo II de Toulouse e Rouerge |
| Pai | Raimundo I de Rouergue |
| Irmáns | Bernard II, Count of Toulouse |
 | |
Odón I de Tolosa (Eudes na súa forma en francés), nado c. 875 e finado en 919, foi conde de Tolosa e de Rouergue (886 - 919), marqués de Gotia[1] e conde de Albi ius uxoris, é dicir, o da súa muller (860 - 919).
Traxectoria
[editar | editar a fonte]Fillo de Ramón I de Tolosa e Berta do Maine. Á morte de Bernardo Plantapilosa no 886, recibiu os condados de Tolosa, Nîmes, Quercy e Roergue que aquel lle usurpara ao seu pai. Casou o ano 860 con Garsenda de Albi, condesa de Albi, filla do conde Armengol de Albi, coa que tivo tres fillos:
- Ramón II de Tolosa (861 - 923), conde de Tolosa, que o sucedeu en Tolosa, Albi e Nimes.
- Armengol de Roergue, (870 - 937), conde de Roergue e Quercy.
- Garsenda de Narbona e Tolosa (875 - 915), casada con Vifredo II de Barcelona. Sobre as orixes de Garsenda como descendente de Odón e Garsenda de 'Albi, hai discrepancias entre os historiadores. O xenealoxista húngaro Szabolcs de Vajay propuxo, nun artigo publicado en 1980, que a muller do conde Vifredo II de Barcelona era filla do conde Odón I de Tolosa e de Garsenda de Albi. Baseábase en argumentos onomásticos: a coincidencia do nome Garsenda, entre a muller de Vifredo Borrell e a da súa suposta nai, a muller de Odón. Ademais, o nome de Riquilda que a parella condal lle puxo á súa única filla non se coñecía ata ese momento na casa de Barcelona. Vajay atribuía a este nome unha orixe albixense, a liña materna[2]. Pero esta tese sobre a orixe tolosana da condesa Garsenda foi rexeitada por Martin Aurell e Christian Settipani que sosteñen que o nome Riquilda xa fora usado por unha das irmás do conde Vifredo[3][4]. Garsenda de Albi (860 - 919) foi tía de Borrell II, tamén muller de Odón I de Tolosa, tivo importancia política, xa que foi condesa de Xirona e de Tortosa.
Notas
[editar | editar a fonte]- ↑ "Odó I de Tolosa". L'Enciclopèdia.cat. Barcelona: Grup Enciclopèdia Catalana.
- ↑ de Vajay, Szabolcs (1980). "Comtesses d'origine occitane dans la Marche d'Espagne aux 10e et 11e siècles". Hidalguía 28: 601–603.
- ↑ Aurell, Martin (1997). "Du nouveau sur les comtesses catalanes (IXe-XIIe siècles)". Annales du Midi 109 (219-220).
- ↑ La noblesse du Midi carolingien: études sur quelques grandes familles d'Acquitaine et du Languedoc du IXe au XIe siècle, Toulousain, Périgord, Limousin, Poitou, Auvergne (en francès). Occasional Publications UPR. ISBN 9781900934046.
