Nihil obstat
Nihil obstat ("Nada impide" ou "obstaculiza", en latín) é unha aprobación oficial da Igrexa católica para que unha obra poida ser publicada. Significa que a obra foi examinada por un censor e que non contén erro doutrinal ou moral.
Esta expresión abrevia outra expresión latina máis longa, nihil obstat quominus imprimatur, que quere dicir «non existe impedimento para que sexa impresa». E unha das tres autorizacións que se poden requirir para que unha obra de carácter doutrinal ou teolóxico sexa autorizada para a súa publicación dentro da Igrexa Católica, xunto co imprimi potest e o imprimatur (s.s.).
