Modus operandi

Na Galipedia, a Wikipedia en galego.
Saltar ata a navegación Saltar á procura

Modus operandi é unha locución latina que significa literalmente "modo de operar". Refírese ao xeito de proceder dunha persoa ou dun grupo de persoas. É unha expresión latina de uso frecuente tanto en galego como noutras linguas occidentais. O plural é modi operandi ("modos de funcionamento"). Na linguaxe común, esta expresión refírese ao xeito habitual ou característica de actuar dunha persoa ou dun grupo, e pode ser utilizada en numerosos contextos: organizacional, loxístico, profesional e científico.

En criminalística, úsase para referirse a como actuou o delincuente nunha ou diversas ocasións, así como para establecer unha pauta de comportamento en diversos crimes dunha mesma persoa; en concreto, refírese ao modo de funcionamento típico dun criminal, e aos xeitos de reaccionar fronte ás situacións.

A expresión utilízase a miúdo no traballo da policía cando se fala dun delito e de facer fronte aos métodos empregados polos delincuentes. Tamén se utiliza en perfís criminais, onde pode axudar na procura de pistas sobre a psicoloxía do delincuente. Consiste, basicamente, no exame das accións utilizadas polo individuo para executar o crime, evitar a súa detección e/ou facilitar o escape. O modus operandi dun sospeitoso pode axudar á súa identificación, aprehensión, ou represión, e tamén pode utilizarse para determinar os vínculos entre os crimes.[1][2][3]

No mundo empresarial, o modus operandi utilízase para describir o medio preferido dunha empresa para facer negocios e a interacción con outras empresas.

Notas[editar | editar a fonte]

  1. Análisis de escenas de crimen violento: Modus operandi, firma y escenario, sitio web cienciaforense.com, traducido por Malena González de León.
  2. Perfil psicológico criminal, Jorge Jiménez Serrano.
  3. El perfil criminológico Arquivado 17 de xaneiro de 2014 en Wayback Machine..

Véxase tamén[editar | editar a fonte]

Ligazóns externas[editar | editar a fonte]