Modesto Lomba
  | |
| Biografía | |
|---|---|
| Nacemento | 1962 (61/62 anos) Arkauti/Arcaute, España (en)  |
| Datos persoais | |
| País de nacionalidade | España |
| Actividade | |
| Ocupación | deseñador de moda |
| Lingua | Lingua castelá |
Modesto Lomba Caneda, chamado Modesto Lomba, nado en Vitoria en 1962, é un deseñador de moda galego.
Traxectoria[editar | editar a fonte]
Fillo de galegos emigrados no País Vasco, Lomba iniciouse nunha xastrería local de Vitoria, estudou Artes e Oficios nesa cidade e logo completou estudos en Barcelona. En 1986 funda co tamén deseñador arxentino Luis Devota unha empresa de deseño chamada Devota&Lomba. En 1988 debutaron na pasarela Cibeles de Madrid e ao ano seguinte (1989) representaron a España no Pitti Trend de Florencia, no ano en que tamén obteñen o premio Cristóbal Balenciaga de promoción de novos creadores. En 1993 quedou en solitario á fronte da compañía tras o falecemento de Devota, pero a firma mantivo o mesmo nome.
A distribución das súas creacións realizouse nos anos noventa a través de tendas multimarca e dos grandes almacéns españois El Corte Inglés, pero en 2000 Lomba abriu a primeira tenda de seu. En 2006 foi escollido presidente da Asociación de Creadores de Moda de España.
