Matilda II

Para outras páxinas con títulos homónimos véxase: Matilda.

Matilda II
Matilda despregando unha bandeira italiana capturada
Tipo	carro de combate de infantería
Orixe	Reino Unido
En servizo	1939 - 1945
Usado por	Reino Unido Unión Soviética Australia
Guerras	Segunda guerra mundial
Deseñado	1937
Fabricante	Vulcan Foundry
Producido	1937 - 1943
Construídos	2.987
Peso	26.5 toneladas
Lonxitude	4.9 metros
Anchura	2.6 metros
Altura	2.36 metros
[ editar datos en Wikidata ]

O Matilda II (Infantry Tank Mark II) foi un carro de combate de infantería británico da segunda guerra mundial. Serviu dende o principio ata o final de conflito e asociouse particularmente á campaña do norte de África. Foi substituído no servizo polo Valentine. Coa súa blindaxe pesada o Matilda II foi un excelente carro de combate de apoio á infantería, pero estaba limitado pola súa velocidade e armamento.

Cando o anterior Infantry Tank Mark I, tamén coñecido como "Matilda", foi retirado do servizo o Infantry Tank Mk II pasou a ser coñecido sinxelamente por ese nome.

Desenvolvemento

A primeira suxestión para un gran carro de infantería foi realizada en 1936, coa especificación A12 e o contratista foi decidido a finais de ano.

O Infantry Tank Mk II foi deseñado no Royal Arsenal, en Woolwich para a especificación do Estado Maior A.12 e construído por Vulcan Foundry. O deseño estaba baseado no A7 (que comezara a desenvolverse en 1929) en lugar de no Infantry Tank Mk I, que era un carro de dous homes cunha única metralladora como armamento.

Cando a guerra fíxose inminente, ordenouse a produción do Matilda II e restrinxiuse a do Matilda I. O primeiro pedido, de 140 unidades fabricadas por Vulcan Foundry, foi realizado pouco despois de que se rematasen as probas a mediados de 1938.