Margarita Costa Tenorio

Margarita Costa Tenorio
Nome completo	Margarita Costa Tenorio
Nacemento	16 de febreiro de 1951
Lugar de nacemento	Vigo
Falecemento	21 de decembro de 2012
Nacionalidade	España
Alma máter	Universidade Complutense de Madrid
Ocupación	bióloga e profesora
[ editar datos en Wikidata ]

Margarita Costa Tenorio, nada en Vigo o 16 de febreiro de 1951 e finada en Madrid o 21 de decembro de 2012, foi unha bióloga galega especializada en botánica.

Traxectoria

Emigrou a Madrid coa súa familia, e licenciouse en bioloxía pola Universidade Complutense de Madrid en 1974. Ese mesmo ano ingresou como profesora na Facultade de Bioloxía, na que desenvolveu toda a súa carreira profesional ata a súa xubilación en 2011.

En 1978, obtivo o grao de doutora coa defensa da súa tese Contribución al estudio de la flora y vegetación de la Alcarria de Cuenca. Foi profesora adxunta dende 1979 e profesora titular dende 1987. En todo este tempo como docente impartiu a materia Fitosocioloxía, posteriormente denominada Vexetación Ibérica.

Na súa dilatada carreira profesional especializouse no eido da botánica, creando un grupo de traballo entre profesorado e alumnado, froito do traballo deste foi a publicación do libro Los bosques ibéricos.

Dirixiu diferentes teses doutorais, destacando unha presentada en 1996 cuxa temática é un estudo etnobotánico da serra Mágina (Xaén) e en 1998 outra tese doutoral sobre a distribución dos piñeirais albares do Sistema Central Español.