Miniature Sensor Technology Integration
Miniature Sensor Technology Integration ou MSTI foi unha familia de satélites estadounidense militares.[1]
Características
[editar | editar a fonte]Os satélites MSTI concebíronse como satélites de baixo custo lanzados para probar novos sensores no marco da Iniciativa de Defensa Estratéxica da Forza Aérea dos Estados Unidos. Planificáronse cinco satélites MSTI, aínda que finalmente se enviaron tres a órbita, cos outros dous cancelados.[1]
MSTI 1
[editar | editar a fonte]MSTI 1 tivo a misión de obter imaxes no infravermello de varias illas no océano Pacífico oriental durante catro días. Tiña unha masa de 150 kg e estaba estabilizado por un sistema a reacción usando gas frío. As imaxes eran enviadas a estacións en terra mediante un transmisor en frecuencia modulada. Foi lanzado o 21 de novembro de 1992 mediante un foguete Scout G1 a unha órbita de 289 x 366 km e 96,7º de inclinación orbital.[2]
MSTI 2
[editar | editar a fonte]MSTI 2 foi lanzado mediante outro Scout G1 na última engalaxe desde modelo de foguete o 9 de maio de 1994. A súa misión, de seis meses de duración, foi demostrar a capacidade de seguimento de mísiles desde satélite. Conseguiu localizar e seguir con éxito o lanzamento dun mísil de proba Minuteman 3. O satélite obtivo máis de tres millóns de imaxes no infravermello durante a súa misión e fallou aos cinco meses en órbita, posiblemente a un impacto con lixo espacial.[3]
MSTI 3
[editar | editar a fonte]MSTI 3 levaba tres sensores a bordo:
- Unha cámara infravermella para lonxitudes de onda medias (MWIR).
- Unha cámara infravermella para lonxitudes de onda curtas(SWIR).
- Un espectrómetro para lonxitudes de onda visible.
A súa misión, dun ano de duración, foi recoller datos do fondo de radiación infravermello da superficie terrestre para o seu uso en detección e seguimento de mísiles balísticos. O sensor no visible usouse para recoller datos medioambientais para estudos do medio ambiente e ecolóxicos. MSTI 3 foi lanzado mediante un foguete Pegasus H o 17 de maio de 1996.[4]
Historial de lanzamentos
[editar | editar a fonte]| Misión[1][2][3][4] | Data de lanzamento[1][2][3][4] | Foguete lanzador[1][2][3][4] | Notas[1][2][3][4] |
|---|---|---|---|
| MSTI 1 | 21 de novembro de 1992 | Scout G1 | Éxito |
| MSTI 2 | 9 de maio de 1994 | Scout G1 | Éxito |
| MSTI 3 | 17 de maio de 1996 | Pegasus H | Éxito |
Notas
[editar | editar a fonte]- ↑ 1,0 1,1 1,2 1,3 1,4 1,5 Mark Wade (2020). "MSTI" (en inglés). Consultado o 24 de setembro de 2020.
- ↑ 2,0 2,1 2,2 2,3 2,4 Gunter Dirk Krebs (2020). Gunter's Space Page, ed. "MSTI 1" (en inglés). Consultado o 24 de setembro de 2020.
- ↑ 3,0 3,1 3,2 3,3 3,4 Gunter Dirk Krebs (2020). Gunter's Space Page, ed. "MSTI 2" (en inglés). Consultado o 24 de setembro de 2020.
- ↑ 4,0 4,1 4,2 4,3 4,4 Gunter Dirk Krebs (2020). Gunter's Space Page, ed. "MSTI 3" (en inglés). Consultado o 24 de setembro de 2020.
