Ledoira, Frades

Ledoira
	Igrexa de San Martiño de Ledoira
Concello	Frades
Provincia	A Coruña
Coordenadas	43°01′02″N 8°14′30″O / 43.0173, -8.2418
Área	5,66 km²
Poboación	142 hab. (2023)
Densidade	25,09 hab./km²
Entidades de poboación	10
	[ editar datos en Wikidata ]

San Martiño de Ledoira é unha parroquia que se localiza no sur do concello de Frades. Segundo o INE en 2023 tiña 142 habitantes (69 mulleres e 73 homes)^[2]. Ten dez entidades de poboación.

Xeografía

Situación

Situada ao sueste do concello de Frades, linda ao suroeste co Pino e ao sur con Arzúa. Dentro do termo municipal fai o propio con Vitre ao norte, con Céltigos ao nordés, con Añá ao sueste e con Gafoi ao oeste.

A súa orografía vai condicionada polo río Tambre, que polo sur fai as funcións de límite municipal, sendo o principal curso fluvial, ao que verten as súas augas os regatos do Pío e do Porto. Na zona norte da parroquia está o Monte de Vara, con cotas que roldan os 385 m, e as cotas máis baixas están no sur, nas beiras do río Tambre, que apenas alcanzan os 300 m.

Demografía

Gráfica de evolución demográfica de Ledoira, Frades entre 2000 e 2023

Padrón municipal do Instituto Nacional de Estadística

Cultura

Patrimonio

A igrexa parroquial ten características construtivas similares ás da zona: planta rectangular con sancristía engadida nun lateral, e unha única nave; muros de carga de cachotería recebada e pintada de branco; vans escasos e de pequenas dimensións, cun esquema compositivo da fachada concentrando os elementos –porta, fiestra e espadana– nun mesmo eixo lonxitudinal central; cuberta de tella a dúas augas, e elementos ornamentais practicamente inexistentes. Estes últimos limítanse a unha serie de pezas de cantería rodeando a porta principal, unha moldura curva no cornixamento e unha espadana decorativa dun só corpo e dous arcos rematada en pináculos con bólas e cruz.

Turismo

A area recreativa da Presa conta cunha praia fluvial, aproveitando a presenza dunha represa no río Tambre. O espazo conta con fonte, varias mesas e unha grella.

Cartel da área recreativa da Presa
Área recreativa da Presa
Fonte da área recreativa da Presa

Festas

As festas que se celebran son o Carme o primeiro domingo de agosto, o San Martiño a segunda fin de semana de novembro, o Santo Antón o 13 de xuño e a xuntanza parroquial a comezos do verán.

Lugares e parroquias

Lugares de Ledoira

Lugares da parroquia de Ledoira no concello de Frades (A Coruña)
O Covelo \| A Figueira \| Fonte Maior \| A Igrexa \| Ponte Carreira \| As Quintás \| Receá \| Ribadas \| O Vilar \| Vilorín

Parroquias de Frades

Galicia \| Provincia da Coruña \| Parroquias de Frades
Abellá (Santo Estevo) \| Aiazo (San Pedro) \| Añá (Santa María) \| Céltigos (San Xulián) \| Frades (San Martiño) \| Gafoi (Santa Mariña) \| Galegos (San Martiño) \| Ledoira (San Martiño) \| Mesos (San Salvador) \| Moar (Santaia) \| Papucín (Santa María) \| Vitre (San Xoán)

Notas

↑ ^1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.
↑ "IGE. Busca por entidades. A Coruña. Frades. Seleccionar "Ver ent. colectivas (parroquias)"". Arquivado dende o orixinal o 09 de maio de 2020. Consultado o 25 de abril de 2021.

Véxase tamén

Outros artigos

Lugares de Frades

Ligazóns externas

Ledoira na web do concello de Frades

[nomenclátor-1] 1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.

[2] "IGE. Busca por entidades. A Coruña. Frades. Seleccionar "Ver ent. colectivas (parroquias)"". Arquivado dende o orixinal o 09 de maio de 2020. Consultado o 25 de abril de 2021.

[1]

[2]