Las Riberas del Eo

Las Riberas del Eo foi un periódico editado en Ribadeo entre 1881 e 1971.

Historia e características

Subtitulado Periódico semanal de intereses generales, noticias y anuncios, apareceu o 3 de xaneiro de 1881, sucedendo ao bisemanario El Eo. A partir de 1894 cambiou o seu subtítulo por Periódico de información galaico-asturiana. Decano de la prensa provincial e posteriormente por Periódico Semanal Defensor de los Intereses Morales y Materiales de la Zona Oriental de Galicia y Occidental de Asturias. O seu fundador, propietario e director foi José María Páez Cancio ata o seu falecemento en 1916. Despois dirixiuno Antonio Pérez Martínez e a partir de 1921 José María Puebla Pumariño que tamén era o seu impresor, redactor e vendedor. Incluíu noticias locais, traballos históricos e colaboracións de destacados personaxes da vila, ademais de artigos dos seus correspondentes en Buenos Aires e na Habana. A partir da guerra civil, tivo que adaptarse ás novas circunstancias políticas, polo que eliminou as colaboracións en galego. Entre os seus colaboradores figurou Federico Mediante Noceda. Cesou a súa publicación o 30 de xaneiro de 1971.

Véxase tamén

Bibliografía

• Santos Gayoso, Enrique (1990). Historia de la Prensa Gallega 1800-1986. Sada: Do Castro. p. 602. ISBN 84-7492-489-8.