Landa

Na Galipedia, a Wikipedia en galego.

Landa foi unha cidade ou rexión do Imperio Hitita situada ao leste de Hattusa, de emprazamento exacto non localizado. Labarnas I combateu nesta rexión.

Os kaskas de Pishuru, despois de conquistaren Ishupitta e Daistipassa, cidades hititas, apoderáronse das terras de Landa, Marista e algunhas cidades fortificadas dos hititas; os hititas non os puideron conter e os kaskas continuaron avanzando ao sur, cruzando o río Marasanda ou Maraššanda, e chegando ata a terra de Kanis (Kanesh).