Joseph Cinqué

Sengbe Pieh

Retrato por Nathaniel Jocelyn, 1840
Biografía
Nacemento	1814 Serra Leoa
Morte	1879 Serra Leoa
Lugar de sepultura	Colonia e Protectorado de Serra Leoa
Grupo étnico	pobo mende
Relixión	Igrexa Episcopal dos Estados Unidos
Actividade
Ocupación	Slave rebellion leader (en)
Participou en
30 de xuño de 1839	La Amistad slave revolt (en)
Cronoloxía
30 de xuño de 1839-26 de agosto de 1839	La Amistad slave revolt (en)
	Estados Unidos vs. La Amistad (pt)
Sinatura
Descrito pola fonte	Appletons' Cyclopædia of American Biography

Sengbe Pieh (tamén coñecido como Joseph Cinqué) nado en 1814 e finado en 1879 foi un home de África Occidental do pobo mende e un dos principais implicados no caso La Amistad, no que el e outras 51 persoas foron vítimas do comercio ilegal de escravos.

Biografía

Cinqué naceu no ano 1814 onde agora é Serra Leoa, mais a data exacta do seu nacemento é descoñecida. El era un agricultor de arroz, casado, con tres fillos, cando foi capturado ilegalmente polos traficantes de escravos africanos en 1839 e aprisionado no navío negreiro portugués Tecora. Isto era unha violación dos tratados internacionais que prohibían o comercio de escravos. Cinqué foi levado a Cuba, onde foi vendido con outras 51 persoas ós españois José Ruiz e Pedro Montez.

Os españois transportaron ós presos a bordo dun navío chamado La Amistad, coa intención de vendelos como escravos en Cuba para traballar en plantacións de azucre. O 30 de xuño, Cinqué comezou unha revolta, matando ó capitán e ó cociñeiro do navío; dous escravos tamén morreron, e dous mariñeiros escaparon. Os africanos fixeron prisioneiros a Ruiz e Montez, os dous comerciantes que fixeran a compra, e esixiron que levasen o barco de volta a Serra Leoa.

Pero foron enganados por Ruiz e Montes, que levaron o barco ata as costas dos Estados Unidos. Chegaron a Long Island, Nova York e membros do USS Washington abordárono. Cando descubriron o que acontecera (de acordo coa versión dos españois), acusaron ós africanos de amotinamento e asasinato, e leváranos a New Haven, Connecticut para xulgalos.

Os dous españois afirmaban que os africanos xa eran escravos en Cuba cando foron adquiridos e polo tanto de propiedade legal. Por outra banda os defensores dos escravos lograron atopar tradutores de mende a inglés, o que permitiu ós africanos contar a súa historia ós avogados e á corte. Cinqué foi o representante informal do grupo.

Véxase tamén

Outros artigos

• La Amistad o barco escravista onde se produciu a rebelión.
• Amistad filme de 1997 baseado nos feitos da rebelión. Cinqué foi interpretado polo actor Djimon Hounsou.