Identificación biométrica da sinatura

Na Galipedia, a Wikipedia en galego.

Proceso[editar | editar a fonte]

A persoa recoñécese á través da forma en que asina, máis que polas características da súa sinatura[1]. A mostra biométrica obtense a partir de datos como a lonxitude e dirección da sinatura, ou a velocidade e presión exercida polo bolígrafo.

A dificultade tecnolóxica do recoñecemento a través da sinatura estriba en saber diferenciar os trazos que nunca cambian, e os que si o fan en cada sinatura. O sistema tamén ten que ter en conta os cambios na forma de asinar co paso do tempo, e ten que adaptarse a eses cambios, actualizando permanentemente o padrón que identifica o usuario.

Fiabilidade[editar | editar a fonte]

A identificación a través da forma de asinar é un dos métodos de identificación biométrica menos precisos.

Segundo un estudo[2] publicado no 2002 por Biometric Technology, a taxa de erro cruzado[3], é igual a 1/50. Esta é unha posibilidade de erro moi alta, se a comparamos coa probabilidade de 1/131.000 do escaneo de iris, ou menor de 1/10.000.000 do escaneo de retina.

Aceptación[editar | editar a fonte]

A aceptación destas tecnoloxías é moi alta, pois a sinatura foi o principal método de identificación durante os últimos séculos.

Custo[editar | editar a fonte]

A identificación a través da sinatura foi o primeiro sistema biométrico en baixar dos 1000 $. Foi en 1987. Hoxe poden atoparse sistemas por menos de 100 €.

Exemplos de uso[editar | editar a fonte]

  • En oficinas do servizo de desemprego de Inglaterra emprégase o recoñecemento da sinatura para validar a identidade do beneficiario da prestación de desemprego.
  • A prisión de Pentonville en Inglaterra emprega a identificación por sinatura para evitar que os presos recollan a comida de outros presos no seu nome.

Notas[editar | editar a fonte]

  1. [1]
  2. Estudo do Bio Tech Inc
  3. A taxa de erro cruzado (Cross-Over Error Rate CER) é a probabilidade de erro dun sistema cando coincide a probabilidade de falsos negativos e falsos positivos

Véxase tamén[editar | editar a fonte]

Ligazóns externas[editar | editar a fonte]