Ibon Fernández Iradi

Ibon Fernández Iradi

Biografía
Nacemento	8 de decembro de 1971 (52 anos) Lasarte-Oria, España
Actividade
Membro de	Euskadi Ta Askatasuna

Ibon Fernández Iradi, alias Susper, nado en Donostia en 1972, é un terrorista membro da organización Euskadi Ta Askatasuna (ETA).

Traxectoria

A policía francesa considerouno en dúas ocasións o xefe do aparello militar de ETA. Detido en 2002 e 2003 en Francia, foi condenado a 15 e 30 anos de prisión respectivamente por ferir gravemente a un xendarme francés, asociación de malfeitores con fins terroristas, tenencia de armas e explosivos, portar documentos falsificados e recepción de vehículos procedentes de roubos. A súa detención en 2002 permitiu a captura posterior de máis dun centenar de membros da banda.

En xuño de 2010 foi extraditado a España de forma temporal, xunto con Balbino Saenz Olarra, para ser interrogado e, no seu caso, procesado e xulgado, polo Xulgado Central de Instrución número 3 e a Audiencia Nacional por asasinato terrorista. Por entón tiña procedementos abertos pola súa participación activa en 18 atentados en España (un deles contra o ertzaintza Iñaki Totorika) en Hernani en 2001.