O IES San Rosendo é un centro público de ensino secundario situado na vila de Mondoñedo.
Foi creado como instituto laboral no curso 1953/54. Naquel curso non se puido empezar en setembro, pois as obras non remataron ata o Nadal, co cal empezouse en xaneiro. No curso 2003/04 celebrouse o 50 aniversario, celebración que contou coa presenza de gran número de alumnos daquela primeira promoción.
O centro acollía as ensinanzas de gandería e agraria, de feito houbo vacas ata a década de 1970, facéndose as prácticas no que se coñece como A Granxa.
No centro celébranse diversas actividades tanto para alumnado coma para profesorado, acollendo amais actividades externas como as XXI Xornadas de Tecnoloxía da Asociación de Profesorado de Tecnoloxía de Galicia en 2025.
O IES en marzo de 2025
Unha actividade no IES: XXI Xornadas de Tecnoloxía
