Historia de una escalera é unha obra de teatro, escrita entre 1947 e 1948[1], de Antonio Buero Vallejo, pola que recibiu o Premio Lope de Vega. Estreouse no Teatro Español de Madrid o 14 de outubro de 1949. Nela analízase a sociedade española, con todas as súas mentiras, a través da veciñanza dunha escaleira. O tema principal da obra é o amor frustrado. Ninguén é feliz, todos son egoístas, perpetúase a propia miseria polo egoísmo que desemboca en infelicidade.
O autor utiliza nas súas anotacións unha linguaxe culta, pero completamente accesible a calquera público. Pola contra, os protagonistas teñen unha linguaxe moi familiar, ás veces basta, vulgar. Os diálogos son moi fluídos e permiten desvelar os sentimentos e as características de cada personaxe pola súa maneira de expresarse.
Estrea, 1949: Dirección: Cayetano Luca de Tena. Intérpretes: Julia Delgado Caro, Adela Carboné, María Jesús Valdés, Fulgencio Nogueras, Elena Salvador, Manuel Kayser, Adriano Domínguez, Alberto Bové, José Cuenca, Gabriel Llopart, Esperanza Grases, Pilar Salga, Consuelo Muñoz, Asunción Sancho, José Capilla, José Cuenca, Rafael Gil Marcos, Manuel Gramas, Fernando Delgado.
Televisión (Estudo 1, de Televisión Española), 1971. Intérpretes: Nuria Carresi, Fernando Cebrián, Paloma Lorena, Cándida Losada, Vitoria Rodríguez, Magda Roger, María Rus, Pedro Mari Sánchez, Valentín Tornos, Ricardo Tundidor, Paco Valladares, Amparo Valle,
Teatro María Guerrero, 2003. Dirección: Juan Carlos Pérez de la Fuente. Intérpretes: Gabriel Moreno, Vitoria Rodríguez, Vicky Lagos, Cristina Marcos, Petra Martínez, Yolanda Arestegui, Alberto Jiménez, Ignacio Alonso, Bárbara Goenaga, Nicolás Belmonte, Mónica Cano.
