Gota chinesa

Para outras páxinas con títulos homónimos véxase: Gota.

Unha reprodución do sistema de tortura coñecido como gota chinesa no Memorial Berlín Hohenschönhausen.

A gota chinesa ou tortura da gota de auga é un método de tortura psicolóxica. Non debe ser confundida coa bota malaia, outro método de tortura que pola súa homofonía ás veces se confunde incorrectamente como "gota malaia".

Descrición

Consistía en inmobilizar un reo en decúbito supino —tombado boca arriba—, de modo que caese sobre a súa fronte unha gota de auga fría cada cinco segundos. Despois dalgunhas horas, o goteo continuo provocaba dano físico na súa pel, similar ao que sofren as xemas dos dedos despois dun baño de inmersión.

Pero a verdadeira tortura para a vítima era a tolemia que lle provocaría o non poder durmir, debido á constante interrupción das gotas, nin tampouco poder beber esa auga cando a sede atacase, co cal aos poucos días sobreviña a morte por paro cardíaco.

É por ese motivo que se lle coñece tamén como tortura chinesa.

Véxase tamén

Bibliografía

• Campos, Miguel Ángel; Alcaraz Varó, Enrique (2008). Diccionario de términos de derechos humanos (en castelán) (1.ª ed.). Barcelona: Ariel. ISBN 9788434418332. OCLC 970521403. 

Outros artigos

• Tortura por auga