Google Trends

Na Galipedia, a Wikipedia en galego.

Google Trends é unha ferramenta de Google Labs que amosa os termos de busca máis populares do pasado recente. As gráficas de Google Trends representan con canta frecuencia se realiza unha busca particular en varias rexións do mundo e en varios idiomas. No eixo horizontal da gráfica representa o tempo (dende algún momento de 2004), e o eixo vertical representa a frecuencia coa que se buscou o termo globalmente. Tamén permite ao usuario comparar o volume de buscas entre dous ou máis termos. Unha característica adicional de Google Trends é a posibilidade de amosar novas relacionadas co termo de busca enriba da gráfica, amosando como afectan os eventos á popularidade.

Google Music Trends[editar | editar a fonte]

Google Music Trends, é o servizo opcional que exhibe a música máis escoitada na rede a través de GTalk de Google, baixo a forma de cancións máis escoitadas na semana. As tendencias pódense tamén filtrar por xénero e por países.