Francisco de Castro
| Biografía | |
|---|---|
| Nacemento | 1672  Madrid, España |
| Morte | 2 de outubro de 1713 (40/41 anos) Madrid, España |
| Actividade | |
| Ocupación | escritor |
| Xénero artístico | Entremés |
| Pseudónimo literario | Farruco |
 | |
Francisco de Castro, nado en Madrid en 1672 e finado na mesma cidade o 2 de outubro de 1713, foi un escritor español.
Traxectoria
[editar | editar a fonte]Alcumado Farruco, Francisco de Castro foi un dos últimos entremesistas do Teatro Barroco, ademais dun famoso comediante que traballou nas compañías da Corte desde finais do século XVII ata a súa morte. Fixo, sobre todo, papeis de gracioso e de barba, alcanzando con eles unha gran fama que lle valeu, en ocasións, poder actuar para os reis da época.
Obra
[editar | editar a fonte]A obra de Castro é unha das máis extensas entre os autores do teatro breve. Componse de trinta e oito entremeses, once mojigangas e fins de festa, cinco bailes e unha loa. É interesante, sobre todo, a inclusión nas súas pezas breves de elementos populares, coma os xigantóns. Tamén destaca a presenza continua do gracioso galego, papel que el mesmo interpretaba.
Títulos
[editar | editar a fonte]Títulos importantes son:
- Francisco, ¿qué tienes?
- Los chirlos mirlos
- La burla del sombrero
- El antojo de la gallega
- Las figuras, El vejete enamorado
- El reto
- La fantasma
