Francisco Cebreiro Barros

Francisco Cebreiro Barros

Biografía
Nacemento	27 de outubro de 1897 Ferrol, España
Morte	29 de xuño de 1977 (79 anos) Neda, España
Alcalde de Neda
Datos persoais
Educación	Universidade de Santiago de Compostela
Actividade
Ocupación	médico, político

Francisco Cebreiro Barros, nado en Ferrol o 27 de outubro de 1897 e finado en Neda o 29 de xullo de 1977, foi un médico e político galego.

Traxectoria

Estudou medicina na Universidade de Santiago de Compostela e licenciouse en 1923. Médico de Neda, onde era coñecido como o "médico dos pobres" e como "Don Paco da Merced" pois residía no Pazo da Merced. Na República foi elixido concelleiro de Neda en 1931 e pertenceu a directiva de Izquierda Republicana de Neda. Co golpe de Estado do 18 de xullo de 1936 foi detido e internado uns meses no castelo de San Filipe. Nos anos corenta curou a varios guerrilleiros antifranquistas feridos e facilitoulles medicamentos, tamén os aloxou no pazo e chegou a impartirlles cursos de primeiros auxilios. Foi detido por iso. Foi alcalde de Neda no franquismo.^[cando?] Finou en Neda o 29 de xullo de 1977.

Recoñecementos

Dedicáronlle unha rúa en Neda, que deu nome ao lugar de Médico Cebreiro.

Vida persoal

Casou con Anelia Cachafeiro Riveiro e foi pai de Eduardo Cebreiro Blanco.

Véxase tamén

Bibliografía

• Santalla López, Manuela; Santalla Méndez, Rui (2018). O médico Cebreiro, don Paco da Mercé. ISBN 978-84-09-02875-7. 

• Simón Lorda, David (2011). "Recuperando a Memoria (histórica) na sanidade galega (II): Médicos, Practicantes e “Maquis”: O apoio á guerrilla e aos represaliados na posguerra" (PDF). Cadernos de Atención Primaria 18: 166. Consultado o 6 de xuño de 2014. 

Ligazóns externas

• "Neda sufraga la escultura al «médico de los pobres»", artigo en La Voz de Galicia, 5 de agosto de 2002.
• Entrevista

Predecesor: '

Alcalde de Neda  -

Sucesor: '