Fútbol Club Cartagena-La Unión
| Nome | Club Deportivo La Unión | ||
|---|---|---|---|
| Fundación | 2000 | ||
| Desaparición | 2011 | ||
| Estadio | Municipal de La Unión, La Unión, Murcia, España  | ||
| Inauguración | 7 de xaneiro de 1973 | ||
| Capacidade | 3.000 | ||
| |||
O Fútbol Club Cartagena-La Unión foi un club de fútbol español, da cidade de La Unión, na Rexión de Murcia. Fundado no 2000, desapareceu en 2011 por problemas económicos.
Historia[editar | editar a fonte]
O primeiro club da cidade foi o CD La Unión, fundado en 1959 e que desapareceu en 1975. Denominouse Deportivo Unionense ata o ano 1965 e militou en Terceira División tres tempadas. Tras este naceu La Unión Athletic en 1972, que chegou a militar en Terceira outras tres campañas. En 1995 fusionouse co Efesé Cartagena Deportivo para formar o Efesé-Unión CF Cartagena, que despois cambiou o seu nome a Cartagena Atlético.
Posteriormente outro CD La Unión fundouse no ano 2000. Tras dúas tempadas en Primeira Territorial consegue o ascenso a Preferente. O primeiro ano consegue a permanencia con algúns apuros e a tempada seguinte, a 2003/04, proclámase campión, conseguindo así o ascenso a Terceira División. Debuta na categoría cun 15º posto e posteriormente loita todas as tempadas con alcanzar un posto no play-off.
A tempada 2008/09 conségueo por primeira vez na antepenúltima xornada. Eliminou o Rayo Majadahonda que foi o seu primeiro rival na primeira eliminatoria de ascenso, empatando o primeiro partido 1-1 en La Unión e gañando no Cerro del Espino por 0-1. Na segunda eliminatoria é eliminado polo Noja.
Para a tempada 2009/10 pasa a ser equipo filial do FC Cartagena,[1] ademais cambia o seu nome a FC Cartagena-La Unión. Casimiro Torres convértese no adestrador.[2]
Na tempada 2010/2011 clasifícase en 4ª posición para os playoffs de ascenso, sendo eliminado na primeira eliminatoria contra a Montañesa, por 1-1 na ida disputada no Estadio Cartagonova e 1-0 na volta. Ao terminar a tempada o acordo de filialidade co FC Cartagena non se renova e o club desaparece ao non poder facer fronte aos gastos dun equipo de Terceira.
Uniforme[editar | editar a fonte]
- Uniforme titular: Camiseta branquiazul a raias verticais, pantalón azul, medias azuis.
- Uniforme alternativo: Camiseta carmesí, pantalón carmesí, medias carmesíes.
Datos do club[editar | editar a fonte]
- Tempadas en 1ª: 0
- Tempadas en 2ª: 0
- Tempadas en 2ª B: 0
- Tempadas en 3ª: 7
- Mellor posto na liga: 3º en Terceira (tempada 2008/09)
Historial na liga[editar | editar a fonte]
| Tempada | Categoría | Posto |
|---|---|---|
| 2001–03 | Rexional | — |
| 2004/05 | 3ª | 15º |
| 2005/06 | 3ª | 9º |
| 2006/07 | 3ª | 6º |
| 2007/08 | 3ª | 7º |
| 2008/09 | 3ª | 3º |
| 2009/10 | 3ª | 5º |
| 2010/11 | 3ª | 4º |
Palmarés[editar | editar a fonte]
- Territorial Preferente (1): 2003/04
Notas[editar | editar a fonte]
- ↑ Francisco J. Moya, Diario La Verdad (2009). "La Unión será o equipo dependente do FC Cartagena en Terceira". Consultado o 26 de xuño.
- ↑ Francisco J. Moya, Diario La Verdad (2009). "A ilusión de Casimiro". Consultado o 7 de xullo.