Estadio Nacional de Pequín

Estadio Nacional de Pequín 国家体育场/國家體育場
Alcumado "Niño de Paxaro"
Datos
Coordenadas	39°59′30″N 116°23′26″L
Localización	Pequín, China
Construción
Inauguración	xuño de 2008
Arquitecto	Jacques Herzog Pierre de Meuron
Custo	4 billóns de iuáns (USD $500 millóns)
Estadio
Superficie	Pasto
Dimensións	longo: 330 m, ancho: 220
Capacidade	91.000
Propietario	Goberno da República Popular da China
Operadora	CITIC Group
Web	http://www.n-s.cn/en/
Eventos
Xogos Olímpicos de Pequín 2008 Xogos Paralímpicos de 2008
[ editar datos en Wikidata ]

O Estadio Nacional de Pequín (en chinés: 国家体育场/國家體育場, guójiā tǐyùchǎng) foi o estadio Olímpico para os Xogos do 2008 en Pequín, China, deseñado polos arquitectos suízos Jacques Herzog e Pierre de Meuron, os mesmos arquitectos que deseñaron o estadio Allianz Arena. Con eles colaborou na parte artística, o artista chinés Ai Weiwei.

O Estadio Nacional de Pequín, é comunmente chamado niño de paxaro, debido á rede de aceiro que o cobre. Ten 330 metros de longo, 220 ms de ancho e 69 ms de altura. É un dos catro proxectos que o goberno do país encargou a diversos arquitectos do mundo. Está equipado cun sistema de enerxía solar e de recollida de auga de choiva para a súa rega e limpeza.

Acollerá as cerimonias de inauguración e clausura, as probas de atletismo e a final de fútbol nos XXOO de Pequín.

O Estadio Olímpico de Pequín é, a xuízo dos arquitectos "un brillante desafío estético e estrutural" cuxa audacia artística e técnica tivo necesariamente que impresionar a un xurado do que formaban parte impresionantes profesionais como Koolhaas, Nouvel ou Perrault, outorgando así aos arquitectos suízos o encargo maior e quizais máis decisivo das súas carreira.

Á parte do "Estadio Nacional de Pequín" atópase en construción o "Centro Nacional de China", A "sede da Televisión Central de China" e "O Gran Teatro Nacional".

Véxase tamén

Outros artigos

• Xogos Olímpicos de Pequín 2008

Ligazóns externas

• Galería de imaxes