Tesouro de Bedoya
 Arracadas barquiformes decoradas con filigrana e granulado, ademais de posibles motivos de "moscas" ou "abellas" | |
| Data da descuberta | Anos 1940 |
| Exposto | Museo de Pontevedra |
| Web | museo.depo.es |
O tesouro de Bedoya é un conxunto de pezas de ouro e prata atopadas en Ferrol e conservadas no Museo de Pontevedra.
Historia[editar | editar a fonte]
.jpg)
.jpg)
O nome do tesouro vén dado polo apelido da familia Bedoya que o atopou descoñecéndose o lugar exacto do seu achado ou procedencia. Foi atopado na década de 1940 nunha eira no lugar da Chousa, na parroquia de Doniños. Francisco Bedoya Fojo mandou limpar a leira, e o servente atopou un pequeno caldeiro de bronce con algo que brillaba no interior. O atopado foi gardado durante 10 anos no faiado da casa. O tesouro foi amosado a Xosé Filgueira Valverde, entón director do Museo de Pontevedra, que certificou a súa autenticidade. O 12 de outubro de 1953 o Museo de Pontevedra mercou o tesouro por 30.000 pesetas.
Descrición[editar | editar a fonte]
O tesouro está formado por pezas de ouro de orixe castrexa e por aneis e moedas de ouro e prata da época romana:
- Un diadema de ouro;
- Dúas arracadas de ouro, de tipo arriñonado;
- Dúas arracadas de ouro, de tipo laberintiforme;
- Un anel signatario de ouro, con entalle;
- Un anel de ouro, cunha pedra (ametista) engarzada;
- Dous áureos, datados entre os anos 54 e 85 despois da era actual;
- Vinte e sete denarios de prata, datados entre os anos 63 antes da era actual a 91 despois da actual;
- Un caldeiro de bronce, o que contiña o tesouro.