Aeróstato

Globo aerostático de aire quente

Aeronave non propulsada que se serve do principio de Arquímedes para voar.

Popularmente denominados globos, os areóstatos están compostos por unha bolsa que encerra unha masa de gas máis lixeiro có aire. Na parte inferior desta bolsa adoita ir unha estrutura sólida denominada barquela ou ben calquera tipo de corpo, por exemplo, un sensor.

Como non teñen ningún tipo de propulsor, os aeróstatos "déixanse levar" polas correntes de aire, aínda que si pode, nalgúns deles, ser controlable a súa elevación.

Historia

O primeiro voo público dun aerostato foi obra dos irmáns Montgolfier e realizouse o 5 de xuño de 1783 en Annonay, o globo confeccionase con lenzo, arame, madeira e papel colado e tiña 11 metros de diámetro, enchido de fume procedente da combustión de palla mollada e la, tras cortarlle as amarras subiu ata 1600 ou 2000 metros, ó cabo de dez minutos comezou a baixar aterrando con suavidade dous quilómetros máis aló de onde saira.

Usos máis comúns

• Aeronavegación deportiva, turística e lúdica.
• Meteoroloxía.
• Anuncios publicitarios.

Clasificación

Segundo o tipo de bolsa os globos poden clasificarse en:

• Abertos ou pechados.
• Ríxidos ou elásticos.
• Con ou sen quentamento.

Véxase tamén

• Dirixible