Diada de Cataluña

Ofrendas durante a Diada

A Diada Nacional de Cataluña ou Diada do Once de Setembro (en catalán: Diada de l'Onze de Setembre) é a festa nacional de Cataluña, que ten lugar cada 11 de setembro.

Historia

Este día conmemórase a caída de Barcelona despois de meses de asedio en 1714 perante o duque de Berwick durante a Guerra de Sucesión na que os Borbón, co seu candidato, o futuro Filipe V, e a casa dos Austrias, co arquiduque Carlos, loitaban para se faceren coa coroa de España.

Coa vitoria da dinastía dos Borbón, implántase un sistema político uniforme, derrogándose os privilexios nobiliarios e os sistemas legais provenientes dos diferentes reinos medievais que formaban a España da época. Por iso, o 11 de setembro tamén se lembra a conseguinte abolición das institucións catalás rexidas pola dinastía dos Austrias.

Institucionalización

O Parlamento de Cataluña, no ano 1980, declarou institucionalmente o 11 de setembro como festa nacional de Cataluña. Así fica recollido no artigo 8.1 do Estatuto de Autonomía de 2006, onde se declara:

Cataluña, definida como nacionalidade no artigo 1, ten como símbolos nacionais a bandeira, a festa e o himno.

e no artigo 8.3, que establece:

A festa de Cataluña é a Festividade do Once de Setembro

.

Véxase tamén

Ligazóns externas

• Els símbols nacionals-Catalunya-Generalitat de Catalunya. La Diada: l'Onze de Setembre (en catalán)
• A diada na páxina gencat.cat (en catalán)
• 11 de setembre - Festa per la Llibertat (en catalán)
• A Batalla do 11 de setembro de 1714 (en catalán)