Supercontinente

Movemento dos continentes dende a época de Panxea até a actualidade

Supercontinente é a denominación empregada en xeoloxía para aquelas masas terrestres que consisten en dúas ou máis cratóns ou núcleos de continentes. Comunmente asóciase a Panxea con este termo, ou aos outros dous grupos de terras emerxidas da súa división (Gondwana e Laurasia), aínda que a listaxe de supercontinentes pasados, presentes e futuros é máis extensa.

Efectos xeolóxicos

Os supercontinentes bloquean a saída da calor interna da terra, o cal produce un sobrequecemento da astenosfera. Eventualmente, isto produce fisuras na litosfera a través das cales emerxerá magma que empurrará aos bloques, afastándoos. Non está aínda claro se os continentes vólvense a xuntar de modo accidental logo de trasladarse polo planeta (ver Deriva continental) ou se se separan e volven unirse logo nun movemento acordeónico.

Lista de supercontinentes parciais

Os que abranguen unha cantidade considerable (xeralmente, entre un cuarto e un medio) das terras emerxidas, en orde cronolóxica.

• Nena (fai uns 1.800 millóns de anos).
• Atlántica (fai uns 1.800 millóns de anos).
• Euramérica (fai uns 400 millóns de anos).
• Gondwana (fai uns 200 millóns de anos).
• Laurasia (fai uns 200 millóns de anos).
• Eurafrasia (actual).*
• América (actual).

*Ás veces considérase a unha agrupación menor, Eurasia, que inclúe a Europa e a Asia; pero dende un punto de vista xeolóxico non é un supercontinente.

Lista de supercontinentes maiores

(os que abarcaron a totalidade ou a maior parte das terras emerxidas, en orde cronolóxica)

• Vaalbará (xorde fai aproximadamente 4000 millóns de anos. É o primeiro supercontinente teorizado da terra).
• Ur (xorde fai aproximadamente 3.000 millóns de anos. Aínda que non comprendía o tamaño dos supercontinentes posteriores).
• Kenorland (xorde fai 2.500 millóns de anos, divídese fai 2.100 millóns de anos).
• Columbia (xorde fai 1.800 millóns de anos, divídese fai 1.500 millóns de anos).
• Rodinia (xorde fai 1.100 millóns de anos, divídese fai 750 millóns de anos).
• Pannotia (xorde fai 600 millóns de anos, divídese fai 540 millóns de anos).
• Panxea (xorde fai 300 millóns de anos, divídese fai 200 millóns de anos).
• Panxea Última ou Amasia (formarase dentro de 250 millóns de anos).

Véxase tamén

• Tectónica de placas