Xustino I

Xustino I

Biografía
Nacemento	450 (Gregoriano) Bederiana (Serbia) (Dardania)
Morte	1 de agosto de 527 (76/77 anos) Constantinopla, Turquía
Emperador bizantino
518 – 1 de agosto de 527 ← Anastasio I – Xustiniano I →
Senador romano
Actividade
Ocupación	político
Período de tempo	Imperio Bizantino, Imperio Romano, Baixo Imperio Romano e Byzantine Egypt (en)
Carreira militar
Conflito	Guerra Anastácia (pt)
Familia
Familia	Dinastía Xustiniana
Cónxuxe	Eufémia (imperatriz)
Fillos	Xustiniano I, fillo adoptivo
Irmáns	Vigilantia
Descrito pola fonte	Dicionario Enciclopédico Brockhaus e Efron Pequeno Dicionario Enciclopédico de Brockhaus e Efron Yuzhakov Big Encyclopedia (en)

Flavius Iustinus ou Xustino I, nado en Dardania c. 450 e finado en Constantinopla o 1 de agosto de 527, foi emperador bizantino do ano 518 ao 527.

Traxectoria

Gravado cun retrato de Xustino I, Por Giovanni Battista de'Cavalieri, publicado en Romanorum imperatorum effigies, Roma, 1592.

Naceu nunha aldea preto de Bederiana, na provincia de Dardania, pertencente á diocese de Dacia que, xunto coa de Macedonia, formaba entón a prefectura pretoriana de Ilírico. Na súa mocidade chegou a Constantinopla fuxindo das invasións bárbaras. Alistouse no exército, e grazas á súa capacidade, ascendeu rapidamente pola escala militar, ata converterse en comandante da garda de palacio (os excubitores) do emperador Anastasio I en 515. Grazas á súa posición (era o comandante do único exército acantonado na cidade) e a súa prodigalidade, conseguiu ser nomeado sucesor á morte de Anastasio I, en 518. No momento da súa ascensión ao trono tiña preto de setenta anos e probablemente era analfabeto. Xustino, que era un militar sen os coñecementos nin a visión precisos para gobernar o estado bizantino, rodeouse de conselleiros de confianza. O máis destacado deles foi sen dúbida o seu sobriño, Flavio Petro Sabacio, ao que adoptou como fillo e ao que deu o nome, polo que pasou á historia, de Xustiniano. Aínda que se di con frecuencia que Xustiniano rexeu os destinos do Imperio xa en vida do seu tío, como afirma o historiador Procopio, é probábel que non fose así, xa que só foi investido como sucesor meses antes da morte de Xustino.

En 525, Xustino derrogou unha lei que prohibía aos membros da clase senatorial contraer matrimonio cunha muller de clase inferior, o cal foi considerado escandaloso na época. Grazas a este edicto, Xustiniano puido casar con Teodora, unha antiga actriz e artista de circo; por outra banda, a derrogación desta norma contribuíu a diluír as antigas diferenzas de clase da sociedade romana.

Os últimos anos do seu reinado estiveron marcados polas disputas cos ostrogodos, conseguindo aquietar a Teodorico ao renunciar Xustino a nomear cónsules, e os persas pola rexión de Lazica, a antiga Cólquida e que vai provocar unha guerra que non vai ter un vencedor claro. En 526 a súa saúde comezou a declinar, e nomeou formalmente sucesor a Xustiniano o 1 de abril de 527. Morreu o 1 de agosto dese mesmo ano.

A cidade de Anazarbus foi rebautizada como Iustinopolis en 525, en honor seu.

Véxase tamén

Ligazóns externas

• De imperatoribus romanis Extensa biografía (en inglés)

Imperio Bizantino
Segue a: Anastasio I (emperador)	Xustino I (518-527)	Precede a: Xustiniano I
	Dinastía Xustiniana